২ ধণ্টা ধৰি অকলে বহি থাকিল মমতা বেনাৰ্জী, আলোচনাৰ মাজলৈ নাহিল চিকিৎসক, ধৰ্মঘটৰ মাজতে চৰ্ত ৰাখিলে প্ৰতিবাদকাৰীয়ে।
কলকাতা ধৰ্ষণ-হত্যাৰ গোচৰত আন্দোলন কৰা কনিষ্ঠ চিকিৎসক আৰু মমতা বেনাৰ্জীৰ চৰকাৰৰ মাজত তৎপৰতা। ন্যায় বিচাৰি ধৰ্মঘট আৰু প্ৰতিবাদ সাব্যস্ত ৰাখিছে কনিষ্ঠ চিকিৎসকে। যাৰ ফলত বহু ৰোগী সংকটত পৰিছে।
যাৰ বাবে এই ধৰ্মঘটৰ অন্ত পেলাবলৈ আহ্বান জনাইছে ৰাজ্যৰ মুখ্যমন্ত্ৰী মমতা বেনাৰ্জীয়ে। সেই উদ্দেশ্যে ৰাজ্যৰ মুখ্য সচিব মনোজ মন্তই ১২ ছেপ্টেম্বৰ বৃহস্পতিবাৰে আন্দোলনকাৰী কনিষ্ঠ চিকিৎসকসকলক মুখ্যমন্ত্ৰীৰ সৈতে আলোচনাৰ বাবে আমন্ত্ৰণ জনাইছিল।
আলোচনাৰ বাবে কনিষ্ঠ চিকিৎসকৰ ৩০ জনীয়া প্ৰতিনিধি দল মুখ্যমন্ত্ৰীক সাক্ষাতৰ বাবে উপস্থিত হয়। কিন্তু প্ৰতিবাদৰ মাজেত প্ৰতিবাদকাৰী চিকিৎসকে এই আলোচনা সন্দৰ্ভত এক চৰ্ত ৰাখে চৰকাৰৰ সমুখত। আলোচনাৰ লাইভ টেলিকাষ্টৰ দাবী জনায় প্ৰতিবাদকাৰী দলে।
পাছে এই দাবী পোনচাটেই নাকচ কৰে ৰাজ্য প্ৰশাসনে। প্ৰতিবাদকাৰীৰ দাবী কোনো পধ্যেই মানি নলয় চৰকাৰে। ইয়াৰ বাবে দুয়োপক্ষৰ মাজত আলোচনা সন্দৰ্ভত অচলাৱস্থা সৃষ্টি হয়। দাবী মানি নোলোৱাত কোনো প্ৰতিবাদকাৰী নাহে আলোচনাৰ মাজলৈ। অৱশেষত ২ ঘণ্টা ধৰি আলোচনাৰ বাবে অপেক্ষা কৰি বিফল হয় মুখ্যমন্ত্ৰী মমতা বেনাৰ্জী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
