৭৫ দিনত ১২ টা আক্ৰমণ, ১৪ জন জোৱান শ্বহীদ… সন্ত্ৰাসবাদীৰ কেনেকৈ লক্ষ্য হৈ পৰিছে জম্মু
জম্মু-কাশ্মীৰত সন্ত্ৰাসবাদীয়ে নিজৰ কৌশল সলনি কৰিলে। এতিয়া উপত্যকাৰ সলনি জম্মু সংমণ্ডলত আক্ৰমণ বাঢ়িছে আৰু জোৱানৰ শ্বহীদতাও বৃদ্ধি পাইছে। সেনাই সাহস প্ৰদৰ্শন কৰি সন্ত্ৰাসবাদীক হত্যা কৰিছে।
কিন্তু সাধাৰণতে নিৰাপদ বুলি বিবেচিত জম্মুত আক্ৰমণ বৃদ্ধি পোৱাৰ ফলত কেন্দ্ৰীয় চৰকাৰ আৰু নিৰাপত্তা বাহিনীয়ে নতুন কৌশল ৰচনা কৰিব লাগিব। ১৩ৰ পৰা ১৪ ছেপ্টেম্বৰৰ ভিতৰত জম্মু-কাশ্মীৰৰ কিষ্টৱাৰ আৰু বাৰামুল্লাত সন্ত্রাসবাদীৰ সন্ধানত অভিযান চলাব৷ কিষ্টৱাৰত এই অভিযানত দুজন জোৱান শ্বহীদ হোৱাৰ বিপৰীতে বাৰামুল্লাত সেনাৰ অনুসন্ধান অভিযান চলি আছে।
২০২৪ চনৰ জুন মাহৰ পৰা ১৪ ছেপ্টেম্বৰলৈ জম্মুত সংঘটিত সন্ত্ৰাসবাদী আক্ৰমণৰ ঘটনা যদি চাওঁ, ১৫ দিনত ১২টা আক্ৰমণ হৈছে। এই আক্ৰমণত ১৪ জন জোৱান শ্বহীদ হোৱাৰ বিপৰীতে ৪ জন সন্ত্ৰাসবাদী নিহত হৈছে। স্পষ্টভাৱে এইটো নিৰাপত্তা সংস্থাসমূহৰ বাবে চিন্তাৰ বিষয়।
২০০৮ চনৰ পিছত এইবাৰ প্ৰথমবাৰৰ বাবে জম্মু-কাশ্মীৰত ধাৰাবাহিকভাৱে আক্ৰমণ বৃদ্ধি পাইছে। প্ৰতিৰক্ষা বিশেষজ্ঞৰ মতে সন্ত্ৰাসবাদীৰ পৰিৱৰ্তিত কৌশল সন্দৰ্ভত নিৰ্ণায়ক সিদ্ধান্ত লোৱাৰ সময় আহি পৰিছে। প্ৰতিবাৰেই সন্ত্ৰাসবাদীয়ে আক্ৰমণ কৰি নিৰুদ্দেশ হৈ আছে। বনাঞ্চলত সন্ত্ৰাসবাদীৰ উপস্থিতিয়ে ৰাইজক অশান্তি দিছে।
জম্মু সংমণ্ডলত আক্ৰমণৰ ঘটনা-
১) ১৩ ছেপ্টেম্বৰত কিষ্টৱাৰত সেনা আৰু সন্ত্ৰাসবাদীৰ মাজত হোৱা মুখামুখিত দুজন জোৱান শ্বহীদ হোৱাৰ লগতে দুজন জোৱান আহত হয়।
২) ৮ ছেপ্টেম্বৰত লাম আৰু নৌশ্বেৰাত সেনাই দুজন সন্ত্ৰাসবাদীক হত্যা কৰিছিল। উদ্ধাৰ হৈছে বৃহৎ পৰিমাণৰ গোলা-বাৰুদ।
৩) ২৯ আগষ্টত জম্মু-কাশ্মীৰৰ কুপৱাৰাত নিৰাপত্তা বাহিনী আৰু সন্ত্ৰাসবাদীৰ মাজত এক এনকাউণ্টাৰ সংঘটিত হয়।
৪) ২৪ আগষ্টত জম্মু-কাশ্মীৰৰ সোপোৰত সেনা জোৱান আৰু সন্ত্ৰাসবাদীৰ মাজত সংঘৰ্ষ হৈছিল। ইয়াৰ মাজতে এজন সন্ত্ৰাসবাদীক সেনাবাহিনীয়ে হত্যা কৰে।
৫) ১৩ আগষ্টত জম্মু-কাশ্মীৰত সন্ত্ৰাসবাদীৰ সৈতে সেনাৰ বৃহৎ মুখামুখি হয়। চাৰিদিনতকৈ অধিক সময় ধৰি চলিছিল এই অপাৰেচন। অনন্তনাগ জিলাৰ কোকাৰনাগত সন্ত্ৰাসবাদীৰ সৈতে হোৱা মুখামুখিত দুজন সেনা জোৱান আৰু এজন সাধাৰণ নাগৰিক নিহত হয়।
৬) ২৭ জুলাইত জম্মু-কাশ্মীৰৰ কুপৱাৰাৰ মাচিল অঞ্চলত নিৰাপত্তাৰক্ষীৰ এনকাউণ্টাৰত এজন সন্ত্ৰাসবাদী নিহত হয়। অৱশ্যে এই এনকাউণ্টাৰত শ্বহীদ হয় এজন জোৱান।
৭) ২২ জুলাইত ৰাজৌৰীৰ গুণ্ডা কোৱাছত শৌৰ্য চক্ৰৰে সন্মানিত বিডিচিৰ এজন সদস্যৰ ঘৰত সন্ত্ৰাসবাদীয়ে আক্ৰমণ চলাইছিল। এই আক্ৰমণত আহত হয় এজন সেনা জোৱান।
৮) ১৬ জুলাইত ডোডাৰ অৰণ্যত সন্ত্ৰাসবাদীয়ে সেনাবাহিনীক অবিৰতভাৱে আক্ৰমণ চলাইছিল। এই আক্ৰমণত চাৰিজন জোৱান শ্বহীদ হয়।
৯) ৮ জুলাইত কথুৱা সন্ত্ৰাসবাদী আক্ৰমণত ৫ জন জোৱান শ্বহীদ হৈছিল।
১০) যোৱা ৭ জুলাইত ৰাজৌৰী জিলাৰ এটা নিৰাপত্তাৰক্ষী চকীত আক্ৰমণ কৰা হৈছিল। এই আক্ৰমণত আহত হয় এজন সেনা জোৱান।
১১) ১১-১২ জুনত ডোডা আৰু ভাদেৰৱাহত আৰক্ষী আৰু সেনাৰ অস্থায়ী শিবিৰত আক্ৰমণ কৰা হয়। ইয়াৰ ফলত আহত হয় সাতজন জোৱান।
১২) যোৱা ৯ জুনত ৰিয়াচীৰ শিৱখোডীত এখন যাত্ৰীবাহী বাছত আক্ৰমণ কৰা হৈছিল। ১০ জন যাত্ৰী নিহত হোৱাৰ লগতে আহত হয় ৪০ জন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
