পাশবিকতাৰ সীমা পাৰ! ওৰে নিশা ৩ পাষণ্ডই…, পুৱাহে পোহৰলৈ আহে সকলো
মহাৰাষ্ট্ৰৰ পৰা আহিছে এক নৃশংসতাৰ খবৰ। ৩ পাষণ্ডৰ কামনাৰ বলি ২১ বছৰীয়া যুৱতী। প্ৰথমে অপহৰণ কৰি নি ওৰেটো নিশা অপকৰ্ম যুৱতীৰ সৈতে। আজি পুৱাহে পোহৰলৈ আহে সকলো।
এই ঘটনাই সমগ্ৰ অঞ্চলটোত চাঞ্চল্যৰ সৃষ্টি কৰিছে। ১০টাকৈ আৰক্ষীৰ দলে বৰ্তমানে পলাতক অৱস্থাত থকা তিনি অভিযুক্তৰ সন্ধান অব্যাহত ৰাখিছে। কিন্তু এতিয়ালৈকে কতো কোনো শুংসুত্ৰ নাই অভিযুক্তৰ।
মহাৰাষ্ট্ৰৰ পুনেৰ কণ্ডৱা অঞ্চলত এই ঘটনা সংঘটিত হৈছে। ঘটনা সন্দৰ্ভত জানিব পৰা অনুসৰি, বন্ধু-বান্ধৱীৰ সৈতে বপ দেৱ ঘাট পৰিদৰ্শন কৰিবলৈ গৈছিল ভুক্তভোগী যুৱতীগৰাকী। তাতেই তিনিজন লোকে অপহৰণ কৰি নিয়ে যুৱতীক।
তিনিওজন অভিযুক্তই ভুক্তভোগী যুৱতীগৰাকীক এক নিৰ্জন স্থানলৈ নি দলবদ্ধ ধৰ্ষণ কৰে। নিশা প্ৰায় ১১ বজাত সংঘটিত হয় এই ঘটনা। এই কাণ্ড সংঘটিত কৰাৰ পিছত অভিযুক্তই সেই স্থানৰ পৰা পলায়ন কৰে। আজি অৰ্থাৎ ৪ অক্টোবৰ তাৰিখে পুৱা প্ৰায় ৫ মান বজাতহে এই দলবদ্ধ ধৰ্ষণৰ তথ্য আৰক্ষীয়ে লাভ কৰে।
তথ্য লাভ কৰাৰ লগে লগে পুনে আৰক্ষী সক্ৰিয় হৈ পৰে। আৰক্ষীয়ে ক্ৰাইম ব্ৰাঞ্চৰ ১০টা দল গঠন কৰি কেৱল গোচৰৰ তদন্তই নহয়, অভিযুক্তক বিচাৰিও অভিযান চলাই আছে। আৰক্ষীয়ে ভুক্তভোগীৰ চিকিৎসা পৰীক্ষা সম্পন্ন কৰিছে। এতিয়ালৈকে ভুক্তভোগীৰ অৱস্থা সন্দৰ্ভত কোনো আপডেট দিয়া হোৱা নাই।
পুনেৰ দলবদ্ধ ধৰ্ষণ কাণ্ডক লৈ গৰম হৈ পৰিছে মহাৰাষ্ট্ৰৰ ৰাজনীতি। শিৱসেনাৰ (ইউ বি টি)ৰ মুখপাত্ৰ আনন্দ ডুবেই কয় যে কণ্ডৱাৰ পৰা অহা খবৰটো চাঞ্চল্যকৰ। আমাৰ এগৰাকী ভনীক ৩ জন অপৰাধীয়ে দলবদ্ধ ধৰ্ষণ কৰে। মহাৰাষ্ট্ৰ চৰকাৰক লক্ষ্য কৰি তেওঁ কয় যে ৰাজ্যত আইন-শৃংখলা ভংগ হৈছে। এফালে নৱৰাত্ৰিৰ পবিত্ৰ উৎসৱ চলি আছে আৰু আনফালে এনে ঘটনা পোহৰলৈ আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
