তেওঁৰ চাউনি, তেওঁৰ কথা কোৱাৰ ভংগিমাৰ পৰা অভিনয়ত মোহিত দৰ্শককুল৷ তেওঁ হৈছে দক্ষিণী অভিনেতা আল্লু অৰ্জুন৷ পুষ্পা ছবিত তেওঁৰ লুক বিশেষ৷ একশ্ব্যন, দুৰ্দান্ত গান আৰু অভিনেত্ৰী সামান্থা ৰুথ প্ৰভুৰ পাৰফৰমেন্সত সকলো মোহিত হৈছে৷ ইয়াৰ সৈতে আকৌ ৰশ্মিকা আৰু আল্লুৰ জুঁটি৷ তিনি বছৰ পূৰ্বে বক্স অফিচৰত তোলপাৰ লগাইছিল পুষ্পাই৷ ২০২১ চনৰ পাছত এইবাৰ ২০২৪ চনত মুক্তি পাব পুষ্পা-২য়ে৷
প্রথম ছবিৰ পাছত মাজৰ তিনি বছৰত বহু পৰিবৰ্তন আহিছে কাষ্টৰ৷ নায়কৰ দুই নায়িকা ৰশ্মিকা আৰু সামান্থাৰ কেৰিয়াৰত আহিছে বহু পৰিবৰ্তন৷ আল্লুৰ জনপ্ৰিয়তাও তুংগত৷ তিনি বছৰত নায়ক আল্লুৰ আয়ো বহু বৃদ্ধি পাইছে৷ পুষ্পা-২ত অভিনয়ৰ বাবে কিমান পাৰিশ্ৰমিক লৈছে আল্লু অৰ্জুনে?
ইণ্ডাষ্ট্ৰীৰ ভিতৰুৱা খবৰ অনুসৰি এই ছবিৰ বাবে অভিনেতা আল্লুৱে পাৰিশ্ৰমিক লৈছে প্ৰায় ৩০০ কোটি টকা৷ এই তথ্য যদি সঠিক হয় তেন্তে দক্ষিণী ছবিৰ সৰ্বোচ্চ পাৰিশ্ৰমিক প্ৰাপ্ত অভিনেতাৰ হিচাপে তেওঁ ১নম্বৰত থাকিব৷ ৫ ডিচেম্বৰত ডাঙৰ পৰ্দাত মুক্তি পাব আল্লু অভিনীত পুষ্পা-২য়ে৷ কিন্তু জানেনে মুক্তিৰ পূৰ্বেই এই ছবিয়ে কেইবাশ কোটি টকা লাভ কৰিবলৈ সক্ষম হৈছে৷ প্ৰি ৰিলিজ ব্যৱসায়ৰ পৰা এই ছবিৰ আয় হৈছে প্ৰায় ১০৮৫ কোটি৷ পুষ্পা-২ ছবিৰ নিৰ্মাণৰ বাজেট আছিল ৫০০ কোটি৷ সেই ছবিয়েই মুক্তি পূৰ্বে এতিয়ালৈকে উপাৰ্জন কৰিছে প্ৰায় ১২০০ কোটি৷ কেৱল প্ৰযোজকেই নহয় ছবিক লাভৰ কিছু অংশও পাব পুষ্পা-২ ছবিৰ মুখ্য অভিনেতা আল্লুৱে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
