আমাৰ প্ৰায়সংখ্যক লোকেই এটা সপোনৰ ঘৰ নিৰ্মাণৰ সপোন দেখো৷ বহুতেই এই সপোনৰ ঘৰখন নিৰ্মাণৰ বাবে গৃহঋণৰ ওপৰত নিৰ্ভৰ কৰো৷ বিভিন্ন বেংকত বিভিন্ন সুদৰ হাৰত হোম লোন অফাৰ কৰা হয়৷ এই লোন দিয়াৰ ক্ষেত্ৰত কেইটামান বিষয়ত খুবেই গুৰুত্ব দিয়ে বেংকে৷
যদি কোনোৱে ২০ বছৰৰ বাবে ৫০লাখ টকা হোম লোন ল’ব খোজে তেন্তে ব্যক্তিজনৰ মাহিলী বেতন বা মাহিলী ইনকাম কিমান হ’ব লাগে? হোম লোন পাবৰ বাবে নিজৰ আয় সকলোতকৈ গুৰুত্বপূৰ্ণ ফেক্টৰ হিচাপে বিবেচিত হয়৷ কাৰণ হোম লোনৰ টকা পৰিশোধ কৰাৰ বাবে কিমান টকা আয় কৰা হয় সেয়া বেছি উল্লেখযোগ্য৷ এয়া হ’ল প্ৰথম বিষয় যি বেংকে সকলোতকৈ আগতেই চায়৷
যি হোম লোনৰ বাবে আবেদন কৰিছে তেওঁৰ ক্ষেত্ৰত ধনৰ প্ৰফাইলে খুবেই গুৰুত্বপূৰ্ণ ভূমিকা পালন কৰে৷ ইয়াৰ সৈতে বয়সো এক উল্লেখযোগ্য বিষয়৷ যদি কাৰোবাৰ কোনো ধৰণৰ লোন এক্টিভ হৈ থাকে তেন্তে নতুনকৈ হোম লোন দিয়াৰ সময়ত সেয়াও বেংকৰ তৰফৰ পৰা চোৱা হয়৷
HDFC বেংকৰ মতে যদি কাৰোবাৰ কোনো ধৰণৰ পুৰণি লোন নাথাকে তেন্তে তেওঁক ২০ বছৰৰ বাবে হোম লোন ৮.৫০ শতাংশ সুদৰ হাৰত দিয়া হয়৷ তেওঁৰ মাহিলী ইনকাম বা বেতন হ’ব লাগিব ৮৭,০০০ টকা৷ এই দৰমহা লাভ কৰা ব্যক্তিয়ে ৫০,১২,৫৪২ টকা পৰ্যন্ত হোম লোন লাভ কৰিব পাৰে৷
এই হোম লোনৰ বাবে HDFC বেংকৰ কেলকুলেটৰ অনুসৰি ২০ বছৰৰ বাবে প্ৰতি মাহত EMI হিচাপে ৪৩,৫০০ টকাকৈ দিব লাগিব৷ অৰ্থাৎ ২০ বছৰৰ বাবে ৫০ লাখ টকাৰ হোম লোন ল’ব বিচাৰিলে আপুনি মাহিলী কমেও ৮৭,০০০ টকা ইনকাম কৰিবই লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
