দেশজুৰি বাংগালুৰুৰ তৰুণ ইঞ্জিনিয়াৰৰ মৃত্যুক লৈ চৰ্চা চলিছে৷ ২৪ পৃষ্ঠাৰ চিঠিত নিজৰ পত্নী আৰু শহুৰেকৰ ঘৰৰ বিৰুদ্ধে একাধিক বিস্ফোৰক অভিযোগ তুলি নিজকে শেষ কৰিছে বাংগালুৰুৰ ৩৪ বছৰ বয়সীয়া ইঞ্জিনিয়াৰ অতুল সুভাষে৷ নিজকে শেষ কৰি দিয়াৰ পূৰ্বে ভাৰতৰ আইন ব্যৱস্থাক লৈয়ো বেছ কিছু প্ৰশ্ন তুলিছে তেওঁ৷ অতুলৰ অভিযোগ যে আইনৰ অপব্যৱহাৰ কৰি এই দেশত পুৰুষৰ হত্যালীলা চলিছে৷ অতুলে লিখি গৈছে ‘বিচাৰ নাপালো৷’ এই বিতৰ্কৰ মাজতেই এগৰাকী পত্নীৰ ভৰণপোষণৰ বিষয়টোক লৈ মন্তব্য কৰিছে ছুপ্ৰিম কৰ্টে৷
কি কি মানদণ্ডৰ ভিত্তিত নিৰ্ধাৰিত হ’ব ভৰণপোষণৰ পৰিমাণ? ছুপ্ৰিম কৰ্টে পৰামৰ্শ দিছে যে ভৰণপোষণৰ পৰিমাণ নিৰ্ধাৰিত কৰাৰ বাবে ৮ মানদণ্ডক কথা মূৰত ৰাখক৷ বুধবাৰে ন্যায়াধীশ বিক্ৰম নাথে এই মানদণ্ডৰ কথা জনাইছে৷ কি এই মানদণ্ড? ন্যায়াধীশ প্ৰসন্ন ভি ভাৰালেৰ বেঞ্চে দাঙি ধৰিছে এই ৮মানদণ্ড৷
১. স্বামী আৰু স্ত্ৰীৰ সামাজিক আৰু অৰ্থনৈতিক অৱস্থা৷
২. ভৱিষ্যতে স্ত্ৰী আৰু সন্তানৰ নূন্যতম চাহিদা
৩. উভয় পক্ষৰ স্বামী আৰু পত্নীৰ শিক্ষাগত যোগ্যতা আৰু পেছা
৪. আয়ৰ উৎস আৰু সম্পত্তিৰ পৰিমাণ
৫. শহুৰেকৰ ঘৰত থকাৰ সময়ত পত্নীৰ জীৱনযাত্ৰাৰ মান
৬. তেওঁ পৰিয়ালক চোৱাৰ বাবেই চাকৰি এৰিছে নেকি?
৭. কৰ্মহীন পত্নীৰ আইনী যুঁজ চলোৱাৰ বাবে প্ৰয়োজনীয় অৰ্থ
৮. ভৰণপোষণৰ খৰচৰ ওপৰিও স্বামীৰ অন্যান্য খৰচ, আৰ্থিক অৱস্থা আৰু আয়
বুধবাৰে এই বেঞ্চে বিবাহবিচ্ছেদ সংক্ৰান্তিয় এক গোচৰ শুনাইছিল৷ তাতেই জনৈক প্ৰবীণকুমাৰ জৈনক প্ৰাক্তন স্ত্ৰী অঞ্জু জৈনৰ কাষত ভৰণপোষণৰ খৰচৰ বাবদ ৫ কোটি টকা দিয়াৰ নিৰ্দেশ দিয়ে শীৰ্ষ আদালতে৷ সেই গোচৰৰ সূত্ৰৰ পৰা সেই ৮মানদণ্ডৰ কথা জনাইছে দুই বিচাৰপতিৰ বেঞ্চে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
