উত্তৰ কোৰিয়াৰ প্ৰেছিডেণ্ট কিম জং উনে তেওঁৰ অভ্যাস আৰু বিলাসবহুল জীৱনযাত্ৰাৰ বাবে পৰিচিত৷ তেওঁৰ ব্যক্তিগত ৯০ টা ডবাৰ ট্ৰেন অন্যতম উদাহৰণ তেওঁৰ অদ্ভুত জীৱনশৈলীৰ৷ তেওঁ লোৱা এই ব্যক্তিগত ট্ৰেইন কেৱল এক পৰিবহণ ব্যৱস্থাই নহয় বৰং কিমৰ শক্তি আৰু বৈভৱৰ প্ৰতীকো৷ যি বিশেষভাৱে নিৰ্বাচিত এদল তৰুণী যাক প্লেজাৰ ব্ৰিগেড বুলি কোৱা হয় সেই ট্ৰেইনৰ ভিতৰত তেওঁলোকে আতিথ্য আৰু বিনোদনৰ বাবে কাম কৰে৷
উত্তৰ কোৰিয়াৰ বৰ্তমান প্ৰেছিডেণ্টেও তেওঁৰ পিতৃ কিম জং ইল আৰু ককায়েক কিম ইল ছুংয়েৰ দৰে বিমানযাত্ৰা এৰাই চলে৷ আন্তঃদেশীয় আৰু আন্তৰ্জাতিক যাত্ৰাৰ বাবে তেওঁ ট্ৰেইনকেই বাচি লয়৷ এই ট্ৰেইনৰ নিৰাপত্তা ব্যৱস্থা ইমানেই কঠোৰ যাৰ নাম দিয়া হৈছে মুভিং ফোৰ্ট্ৰেছ৷ কিমৰ বিলাসবহুল ট্ৰেইনত আছে উচ্চমানৰ সুবিধা৷
ইয়াত পৰিবেশন কৰা হয় বিশ্বৰ দামী মদ, আমদানি কৰা মাংস আৰু এক্সক্লুছিভ ছিগাৰ৷ ট্ৰেইনৰ অতিথিসকলক আতিথ্য আৰু বিনোদনৰ দায়ভাৰ থাকে বিশেষভাৱে নিৰ্বাচিত তৰুণীসকলৰ ওপৰত৷ এই তৰুণীসকলৰ নিৰ্বাচন প্ৰক্ৰিয়াও অত্যন্ত কঠিন৷ উত্তৰ কোৰিয়া জুৰি অভিযায় চলাই তেওঁলোকক বিচাৰি উলিওৱা হয়৷ মেডিকেল পৰীক্ষাসহ নানান চৰ্তৰ ভিত্তিত তেওঁলোকক নিৰ্বাচন কৰা হয়৷ চৰ্তসমূহৰ মাজত এটি হৈছে তৰুণীগৰাকী কুমাৰী হ’ব লাগিব৷ নিৰ্বাচিত তৰুণীসকলৰ বাবে দৰমহাও আকৰ্ষণীয়৷
মাহত প্ৰায় ৩০০০ ডলাৰ৷ জনা গৈছে কিমৰ পৰিয়ালক এই ট্ৰেইন উপহাৰ দিছিল ছোভিয়েট ইউনিয়নৰ নেতা জোছেফ ষ্টেলিনে৷ ইয়াৰপাছতেই এয়া উত্তৰ কোৰিয়াৰ নেতাসকলৰ প্ৰধান পৰিবহন ব্যৱস্থা হৈ উঠিছে৷ ট্ৰেইনৰ বাহিৰৰ অংশ সেউজীয়া আৰু হালধীয়া ৰঙৰ হ’লেও অন্তঃসজ্জা অতি সুন্দৰ৷ ইয়াৰ নিৰাপত্তা ব্যৱস্থাও অতি কটকটীয়া৷ ট্ৰেইনখন সৰ্বোচ্ছ ৪০-৫০ কিঃমিঃ প্ৰতি ঘণ্টা বেগত চলে কাৰণ ওজন থকা বৰ্মযুক্ত প্লেট আছে ট্ৰেইনৰ গাত৷ তেওঁৰ ট্ৰেইনৰ কনভয়ৰ সৈতে এই মুভিং ফোৰ্ট্ৰেছ চলে৷ যাত্ৰাপথত কোনোধৰণৰ অসুবিধা আহিলে ল’গে ল’গেই ট্ৰেইন ৰখাই দিয়া হয়৷ প্ৰতিটো ষ্টেচনত উপস্থিত হোৱাৰ পূৰ্বেই সেই ষ্টেচনত ১০০ নিৰাপত্তাকৰ্মী মোতায়েন কৰা হয়৷ আনকি ট্ৰেইনৰ সৈতে একেলগে আকাশত উৰি থাকে এয়াৰফৰ্ছৰ কাৰ্গো বিমান আৰু এম আই-১৭ হেলিকপ্টাৰ৷ ট্ৰেইনখন এনেকৈ তৈয়াৰ কৰা যে এই ট্ৰেইনে বিলাসবহুল মাৰ্ছিডিছ বাহনসমূহো বহন কৰি নিব পাৰে৷ ইয়াৰ ভিতৰত আছে মিটিং ৰুম, আধুনিক টেবুল আৰু ফ্লেট স্ক্ৰিণ মনিটৰো৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
