ৰেকৰ্ড গঢ়িবলৈ গৈ আছে অ’লা স্কুটাৰে, কৰিব এই বিশেষ কাম
ৰেকৰ্ড গঢ়িবলৈ আগবাঢ়িছে অ’লা স্কুটাৰে। তাৰ বাবে ইতিমধ্যে প্ৰস্তুত কৰি উলিয়াইছে এক বিশেষ প্লান। এই প্লানৰ অধীনত অ’লা স্কুটাৰে কেৱল এদিনতে মুকলি কৰিব ৪ হাজাৰ ষ্টৰ। ইয়াৰ বাবে দিনো ঠিক কৰিছে অ’লা স্কুটাৰ কোম্পানীয়ে।
জানিব পৰা মতে, বিক্ৰী আৰু সেৱা নেটৱৰ্ক সম্প্ৰসাৰণৰ বাবে অহা ২৫ ডিচেম্বৰত অভিলেখ সৃষ্টিকাৰী ৪ হাজাৰ ষ্ট’ৰ মুকলি কৰাৰ প্ৰস্তুতি চলাইছে অলা ইলেক্ট্ৰিকে। ইয়াৰ বাবে কোম্পানীটোৱে ‘ছেভিং ৱালা স্কুটাৰ’ অভিযানো আৰম্ভ কৰিছে, যিটো হৈছে ইভিক প্ৰতি ভাৰতীয় ঘৰৰ ওচৰলৈ অনাৰ প্ৰয়াস।
ইয়াৰ বাবে অ’লা ইলেক্ট্ৰিকৰ প্ৰতিষ্ঠাপক তথা চি ই অ ভৱিশ অগ্ৰৱালে এক ভিডিঅ যোগে এই বিষয়ে সদৰি কৰে। তেখেতে কয়- ‘ চলিত বৰ্ষৰ ২৫ ডিচেম্বৰত আমি ভাৰতৰ ইভি বিপ্লৱক পৰৱৰ্তী পৰ্যায়লৈ লৈ যোৱাৰ প্ৰয়াস কৰিছে। আপোনাৰ প্ৰিয় আৰু ভাৰতৰ ১ নম্বৰ ইভি ব্ৰেণ্ড অলা ইলেক্ট্ৰিকে সমগ্ৰ দেশতে ৪০০০ টা ষ্ট’ৰ মুকলি কৰিবলৈ ওলাইছে। প্ৰতিখন জিলা, প্ৰতিখন চহৰতে থাকিব এটা অলা ইলেক্ট্ৰিক ষ্ট’ৰ আৰু এটা অলা ইলেক্ট্ৰিক চাৰ্ভিচ চেণ্টাৰ। যাতে প্ৰতিজন ভাৰতীয়ই নিজৰ ভৱিষ্যতৰ বাবে ইভি কিনিব পাৰে। ইভিৰ সহায়ত প্ৰতিমাহে ৪০০০ টকা ৰাহি কৰিব পাৰিব। আপোনাৰ সঞ্চয় বাঢ়িব, আপোনাৰ ধন সঞ্চয় হ’ব, এই সঞ্চয় স্কুটাৰৰ সহায়ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
