বিচিত্ৰ সাধুৰ সংগম কুম্ভ মেলা, ১৫ বছৰীয়া নগা সাধুক চাবলৈ ভিৰ ভক্তৰ
কুম্ভ মেলা মানেই এক বুজাব নোৱাৰা ভক্তি ভাৱ ঈশ্বৰৰ প্ৰতি। ১২ বছৰৰ মূৰৰত ত্ৰিবেনী সংগমত অনুষ্ঠিত হোৱা এই মেলাক লৈ দেশৰ ভিন্ন কোনৰ লগতে বিশ্বৰ বিভিন্ন প্ৰান্তৰ ভক্তৰ মাজত কৌতুহল। লগতে এই ত্ৰিবেনী সংগমত স্নান কৰি পূণ্য অৰ্জন কৰাৰ মানস।
এই মেলাতেই পয়োভৰ ঘটে বহু ঠাইৰ পৰা বহ সাধু সন্যাসীৰে। বিশেষকৈ নগা সাধুৰ বাবে বিখ্যাত এই কুম্ভ মেলা। এইবাৰো মেলাত আগমন হৈছে বিভিন্ন বেশভূষাৰ সাধু। তাৰেই মাজতে এটি কনমানি সাধুৱে সকলোৰে দৃষ্টি আকৰ্ষণ কৰিছে।
কাৰণ এই কনমানি সাধু হৈছে এটি ১৫ বছৰীয়া কিশোৰ। যি বয়সত কিশোৰ -কিশোৰী সকলে নিজৰ সমনীয়াৰ সৈতে খেলা-ধুলা কৰি বিভিন্ন খাদ্যৰ সোৱাদ লৈ পিতৃ-মাতৃৰ সৈতে জীৱন যাপন কৰে সেই বয়সত এই ১৫ বছৰীয়া কিশোৰ হৈছে নগা সাধু।
যাৰ চাবলৈ এতিয়া কুম্ভ মেলাৰ বাকৰি ভিৰ কৰিছে অগণন লোকে । এই ১৫ বছৰ বয়সতে সামাজিক জীৱন ত্যাগ কৰি বাস কৰিছে নগা সাধুৰ সৈতে।
মাথো ৬ মাহ বয়সতে পিতৃ-মাতৃৰে নগা সাধুলৈ বুলি উচৰ্গা কৰিছিল এই কিশোৰক। যাৰ বাবে ৬ মাহ বয়সৰ পৰাই নগা সাধুৰ সৈতে বাস কৰি সেই সাধুৰ জীৱন-যাপনেই গ্ৰহণ কৰি লৈছে। অৱশ্যে সাধুৰ জীৱন গ্ৰহণ কৰিলেও পঢ়া-শুনা অব্যাহত ৰাখিছে লগতে ধাৰ্মিত কাম-কাজো কৰি গৈছে এই ১৫ বছৰীয়া নগা সাধুৱে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
