বৈদিক জ্যোতিষশাস্ত্ৰ অনুসৰি সূৰ্যৰ গুৰুত্ব অপৰিসীম। সৌৰজগতৰ ৰজা সূৰ্যই স্থান পৰিবৰ্তন কৰিলে তাৰ প্ৰভাৱ বিভিন্ন ৰাশিৰ ওপৰত পৰে। ৯টা গ্ৰহৰ মাজত সূৰ্যই বছৰত ১২বাৰ ৰাশি পৰিবৰ্তন কৰে। প্ৰতিটো ৰাশিত মুটামুটি এমাহ ধৰি অৱস্থান কৰে সূৰ্যই। সেই হিচাপত ১২ ৰাশি চক্ৰই এবাৰ প্ৰদক্ষিণ কৰি আহিব সূৰ্যৰ সময় লাগে ১২ মাহ।
বৰ্তমান সূৰ্যই কুম্ভ ৰাশিত আছে। আগন্তুক ১৪ মাৰ্চত হোলিৰ দিনাই কুম্ভৰ পৰা মীন ৰাশিত প্ৰৱেশ কৰিব গ্ৰহৰ ৰজা সূৰ্যই। সেই সময়ত মীন ৰাশিত থাকিব শনি। জ্যোতিষশাস্ত্ৰ অনুসৰি মীন ৰাশিত সূৰ্যৰ গোচৰৰ ফলত তিনি ৰাশিৰ সৌভাগ্যৰ দুৱাৰ খুল খাব। আপুুনিও আছে নেকি সেই তালিকাত?
মেষ ৰাশি
হোলিৰ পাছত সূৰ্যৰ প্ৰভাৱত মেষ ৰাশিৰ সুদিন ঘূৰি আহিব। আৰ্থিক পৰিস্থিতিৰ উন্নতি হব। সূৰ্যৰ ওপৰিও কৰ্মফলৰ দেৱতা শনিৰ কৃপাত থাকিব মেষ ৰাশিৰ ওপৰত। কেৰিয়াৰত উন্নতিৰ সুযোগ পাব। আত্মবিশ্বাস থাকিব তুংগত। প্ৰেমজীৱনত সুখ থাকিব। বিনিয়োগত বহুগুণে লাভ পাব। পৰিয়ালৰ সদস্যৰ সৈতে সম্পৰ্ক মজবুত হব।
সিংহ ৰাশি
১৪ মাৰ্চৰ পৰা সূৰ্যৰ আশীৰ্বাদ সিংহ ৰাশিৰ ওপৰত থাকিব। সূৰ্যৰ প্ৰভাৱত ভাগ্যৰ চকা ঘূৰিব। আৰ্থিক সমস্যা দূৰ হব। যি কোনো কামত উন্নতিৰ পথ প্ৰশস্ত হব। কৰ্মক্ষেত্ৰত কামৰ প্ৰশংসা পাব পাৰে। দৰমহা বঢ়াৰ সম্ভাৱনা আছে। ব্যৱসায়ত ডাঙৰ চুক্তি কৰিব পাৰে।
কন্যা ৰাশি
সূৰ্যৰ গোচৰে কন্যা ৰাশিৰ জীৱনত ডাঙৰ প্ৰভাৱ পেলাব। উত্তৰাধিকাৰ সূত্ৰে সম্পত্তিৰ মালিক হব পাৰে। সমাজত মান সন্মান বাঢ়িব। নতুন কোনো ব্যৱসাত আৰম্ভ কৰাৰ যোগ আছে। চাকৰিত দীৰ্ঘদিনৰ মানসিক চাপ দূৰ হব। সংগীৰ সৈতে ভুল বুজাবুজি দূৰ হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
