দেওবাৰে জমি উঠিল আই পি এল। গুৱাহাটীৰ বৰ্ষাপাৰা ষ্টেডিয়ামত মুখামুখি হৈছিল ৰাজস্থান ৰয়েলছ আৰু চেন্নাই ছুপাৰ কিংছ। ৰুদ্ধশ্বাস মেচৰ সাক্ষী হৈ ৰল ক্ৰিকেটপ্ৰেমী। শেষ অভাৰৰ শেষ বলতেই সলনি হৈ পৰিল সকলো। ৬ ৰানত জয়ী হৈ হাঁহি হাঁহি পেভিলিয়নমুখী হল ৰাজস্থান ৰয়েলছ। ব্য়ৰ্থ হল চেন্নাই অধিনায়ক ঋতুৰাজ গায়কোয়াডৰ ৬৩ ৰানৰ ইনিংছ। ৰাজস্থানৰ হৈ ৪ উইকেট লৈছে ৱানিন্দু হাছাৰাংগাইয়ো।
১৮২ ৰান কৰিবলৈ নামি শেষ অভাৰত চেন্নাই ছুপাৰ কিংছৰ প্ৰয়োজন আছিল ২০ ৰানৰ। বল কৰিবলৈ আহিছিল সন্দীপ শৰ্মা। প্ৰথম বলেই ৱাইড কৰে তেওঁ। তাৰপিছৰ বলত বিশাল শ্বট লবলৈ গৈ আউট হয় মহেন্দ্ৰ সিং ধোনী। ভাল কেচৰ বাবে চৰ্চাত উঠিছে ছিমৰণ হেটমেয়ৰ। ইয়াৰ পাছতেই ৰবীন্দ্ৰ জাদেজা আৰু জেমি অভাৰ্টন থাকিলেও জয় লাভ কৰিবলৈ সক্ষম নহল চেন্নাই ছুপাৰ কিংছ।
প্ৰথমে বেট কৰিবলৈ নামি ১৮২ ৰান লয় ৰাজস্থান ৰয়েলছে। প্ৰথম অভাৰত যশস্বী জয়ছোৱালক আউট কৰি ৰাজস্থান শিবিৰক আঘাত হানে খলিল আহমেদে। ৩ ৰানত আউট হয় বাওঁহতীয়া অপেনাৰ যশস্বী জয়ছোৱাল। ইয়াৰ পাছতেই ২২ গজত নামে নীতিশ ৰানা। ৮৩ ৰানৰ পাৰ্টনাৰশ্বিপ গঢ়ে সঞ্জু ছেমছনৰ সৈতে। তেওঁ ১৬ বলত ২০ ৰান কৰি আউট হয়। সঞ্জু আউট হোৱাৰ পাছতো সাহস নেহেৰুৱাই খেলি থাকিল নীতিশে। মাত্ৰ ২১ বলত তেওঁ পূৰ্ণ কৰে হাফ চেঞ্চুৰি। শেষ পৰ্যন্ত অশ্বিনৰ বুদ্ধিদীপ্ত বলত আউট হয় নীতিশ। তেওঁক ষ্টাম্প আউট কৰে ধোনীয়ে। নীতিশৰ পূৰ্বেও ৩৬ বলত ৮১ ৰানৰ ইনিংছত আছে ১০ টা ফৰ আৰু ৫ টা ছিক্স। কালিৰ মেচত ৩৭ ৰান কৰি পাথিৰানাৰ বলত আউট হয় অধিনায়ক ৰিয়ান। হেটমেনো উভতে মাত্ৰ ১৯ ৰানতেই।
ইফালে বেটিঙত নামি প্ৰথমৰ পৰাই উইকেট হেৰুৱাই থাকিল চেন্নাইয়ে। মেচৰ প্ৰথম অভাৰত শূন্য ৰানত ৰাচিন ৰবীন্দ্ৰক আউট কৰে জোফ্ৰা আৰ্চাৰে। ইয়াৰ পাছতেই আহে ৱানিন্দু হাছাৰাঙ্গা। ৰাহুল ত্ৰিপাঠি আৰু ঋতুৰাজ গায়কোয়াডৰ জুঁটিত ভাঙোন ধৰায় তেওঁ। বিশাল শ্বট লবলৈ গৈ হেটমেয়ৰৰ কেচত আউট হয় ত্ৰিপাঠি। ১৯ বলত ২৩ ৰান কৰি তেওঁ আউট হয়। আকৌ চেন্নাই শিবিৰত আঘাত লাগে শিৱল ডুবেৰ মাত্ৰ ১৮ ৰানত পেভিলিয়নমুখী যাত্ৰাত। এহাতেৰে কেচ ধৰি শিৱমত আউট কৰাই কেপ্টেইন ৰিয়ানে। হাততালিৰে ভৰি উঠে গেলাৰীও। তৃতীয় উইকেট লয় বিজয় শংকৰক বোল্ড কৰি। ইয়াৰপাছতেই কেপ্টেইন ঋতুৰাজকো আউট কৰে হাছাৰাংগাই। ৪৪ বলত ৬৩ ৰান কৰি আউট হয়। শেষত ধোনী, জাদেজাই চেষ্টা কৰিও কোনো ফল নাপালে। ১১ বলত ১৬ ৰান কৰে ধোনীয়ে। জাদেজা অপৰাজিত থাকি ২২ বলত ৩২ ৰান লয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
