সেনাৰ প্ৰেছ কনফাৰেন্সত বেকগ্ৰাউণ্ডত কিয় বজোৱা হৈছে শিৱ তাণ্ডৱ? এই শিৱ তাণ্ডৱ স্তোত্ৰৰ মাহাত্ম্য কি? কিয় বজোৱা হয় এই স্তোত্ৰ?

কোনে ৰচনা কৰিছে শিৱ তাণ্ডৰ স্তোত্ৰ?

মহাদেৱৰ উদ্দেশ্যে ৰচিত এই শিৱ তাণ্ডৱ স্তোত্ৰ৷ মূলত মহাদেৱৰ ৰুদ্ৰ ৰূপৰ আৰাধনা কৰা হয় এই স্তোত্ৰত৷ জানিলে অবাক হ’ব যে শিৱ তাণ্ডৱ স্তোত্ৰ ৰচনা কৰিছিল দশানন ৰাৱনে৷ ৰাৱণ আছিল মহাদেৱৰ পৰম ভক্ত৷ আৰাধ্য দেৱতাৰ প্ৰতি অৰ্ঘ্য নিবেদন কৰোতে এই স্তোত্ৰ তেওঁ ৰচনা কৰিছিল৷ শিৱ তাণ্ডৰ স্তোত্ৰৰ দুটা ভাগ আছে৷ প্ৰথম ভাগত মহাদেৱৰ তাণ্ডৱ নৃত্যৰ দৰে কেইবাটাও বৈশিষ্ট্যৰ উল্লেখ আছে৷ দ্বিতীয় ভাগত আছে মহাদেৱৰ প্ৰতি প্ৰাৰ্থনা৷

শিৱ তাণ্ডৱ স্তোত্ৰৰ মাহাত্ম্য

কোৱা হয় শিৱ তাণ্ডৱ স্তোত্ৰ জপ কৰিলে মন শান্ত হয়৷ এই স্তোত্ৰে মনঃসংযোগৰ ক্ষমতা বঢ়ায়৷ শিৱভক্তসকলৰ ওচৰত এই মন্ত্ৰ অত্যন্ত জনপ্ৰিয়৷ এই শক্তিশালী মন্ত্ৰই আত্মপোলব্ধিত সহায় কৰে৷ শিৱ তাণ্ডৱ স্তোত্ৰ জপ কৰাৰ কোনো নিৰ্দিষ্ট সময় নাই৷ চন্দ্ৰগ্ৰহণ, প্ৰদোষ ব্ৰত আৰু গধূলি এই স্তোত্ৰ জপ কৰাটো অত্যন্ত শুভ৷ দেশবাসীৰ সন্মুখত কোনো ধৰণৰ সংকট আহিলে আক্ৰমণকাৰীক গুৰি কৰি দিয়াৰ ক্ষমতা যে ভাৰতীয় সেনাৰ আছে সেয়া বুজাবলৈকে সেনাবাহিনীৰ বিশেষ ভিডিঅ’ৰ নেপথ্যত এই শিৱ তাণ্ডৱ স্তোত্ৰ বজোনা হয়৷

শিৱ তাণ্ডৱ স্তোত্ৰ জপৰ ফল

1. প্ৰচলিত বিশ্বাস যে শিৱ তাণ্ডৱ স্তোত্ৰ জপ কৰিলে আমি মহাদেৱৰ উপস্থিতি অনুভৱ কৰিব পাৰো৷
2. শিৱ তাণ্ডৱ স্তোত্ৰ জপ কৰিলে নিগেটিভ এনাৰ্জি দূৰ হয় আৰু পৰিবেশ বিশুদ্ধ হয়৷
3. অসুখ-বিসুখ দূৰ কৰাৰো ক্ষমতা এই স্তোত্ৰৰ আছে বুলি কোৱা হয়৷
4. জ্যোতিষ অনুসৰি কালসৰ্প দোষ দূৰ কৰিবলৈকো শিৱ তাণ্ডৱ স্তোত্ৰ বিশেষ কাৰ্যকৰী৷
5. জ্ঞান বা অজ্ঞানে কোনো অন্যায় কৰিলে সেই কৰ্মফলৰ পৰা মুক্তি পাবলৈ শিৱ তাণ্ডৱ স্তোত্ৰ জপ কৰা জৰুৰী৷
6. প্ৰচলিত বিশ্বাস যে শিৱ তাণ্ডৱ স্তোত্ৰ জপ কৰিলে অকাল মৃত্যুৰ ভয় দূৰ হয়৷