অসমীয়া মাধ্যমত পঢ়ি বিশ্বত উজ্বলিছে অসমৰ জীয়াৰী৷ শিৱসাগৰৰ পৰা গৈ বিশ্বত উজ্বলিছে অসম জীয়াৰী ডঃ উপাসনা মহন্ত৷ শিৱসাগৰৰ জয়সাগৰ নিম্ন বুনিয়াদী বিদ্যালয়ৰ পৰা প্ৰাথমিক শিক্ষা গ্ৰহণ কৰিছিল উপাসনাই৷ ৰংপুৰ গাৰ্লছ স্কুল আৰু ফুলেশ্বৰী বিদ্যালয়ৰ পৰা হাইস্কুলীয়া শিক্ষা লাভ কৰা উপাসনাই দিল্লী বিশ্ববিদ্যালয়ৰ মিৰাণ্ডা আৰু হিন্দু মহাবিদ্যালয়ত গ্ৰহণ কৰে স্নাতক আৰু স্নাতকোত্তৰ ডিগ্ৰী৷ জৱাহৰলাল নেহৰু ইউনিভাৰ্ছিটিৰ পৰা MPhil আৰু PhD ডিগ্ৰীধাৰী উপাসনা মহন্ত৷
শেহতীয়াকৈ কৰ্মজীৱনত দেখুওৱা সফলতাৰে চৰ্চালৈ আহিছে ডঃ উপাসনা মহন্ত৷ উপাসনাই ভাৰতত উচ্চশিক্ষা গ্ৰহণ কৰি বিদেশলৈ গৈ দেখুৱাইছে পাৰদৰ্শিতা৷ কানাডাৰ ভেংকুৱাৰৰ ব্ৰিটিছ কলম্বিয়া বিশ্ববিদ্যালয়ৰ চেণ্টাৰ ফৰ উইমেনছ এণ্ড জেণ্ডাৰ ষ্টাডিজত ডক্টৰেট ফেলোও হিচাপে কৰ্মৰত আছিল উপাসনা৷ মুম্বাইৰ টাটা ইনষ্টিটিউট অৱ ছ’চিয়েল ছায়েন্সৰ চেণ্টাৰ ফৰ উইমেনছ ষ্টাডিজৰ অধ্যাপক হিচাপেও আছিল উপাসনা৷
গৱেষণা আৰু পাঠদানৰ দায়িত্বৰ মাজতেই উপাসনাই তেওঁ পঢ়োৱা বিশ্ববিদ্যালয়ৰ ছাত্ৰসকলক বিভিন্ন দিশত জীৱনৰ ব্যৱহাৰিক শিক্ষাও প্ৰদান কৰি আহিছে৷ বিশেষকৈ তেওঁ সাম্প্ৰতিক ৰাজনৈতিক ক্ষেত্ৰত নাৰীৰ ভূমিকা, লিংগভিত্তিক সংঘাত দূৰীকৰণৰ ওপতো তেওঁ বিশেষ পদক্ষেপ গ্ৰহণ কৰি আহিছে৷
বৰ্তমান ভাৰতৰ ভিতৰত প্ৰখ্যাত অ পি জিণ্ডাল গ্লবেল ইউনিভাৰ্ছিটিৰ এডমিছন এণ্ড আউটট্ৰিছ বিভাগৰ গুৰু হিচাপে কৰ্মৰত ডঃ উপাসনা মহন্ত৷ ভাৰতৰ প্ৰথমগৰাকী সদস্য হিচাপে ডঃ উপাসনাই নিযুক্তি পাইছে কেম্ব্ৰিজ ইণ্ডাৰনেশ্ব্যনেলৰ অন্তৰ্গত ষ্ট্ৰিটিজিক হাইয়াৰ ইডুকেশ্ব্যন কাউন্সিলত(Strategic Higher Education Advisory Council)৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
