আলিয়া ভাট্টে সলনি কৰিলে নেকি নাম, এটা ভিডিঅ’ত দেখা গ’ল নতুন নামৰ সৈতে
বলীউডৰ অভিনেত্ৰী আলিয়া ভাট্টৰ এটা ইউটিউব ভিডিঅ’ যথেষ্ট ভাইৰেল হৈ পৰিছে। এই ভিডিঅ’টো প্ৰকাশ পোৱাৰ পিছত ছ’চিয়েল মিডিয়াত আৰম্ভ হৈছে গুজৱ। কাৰণ ভিডিঅ’টোত নতুন নামৰ সৈতে দেখা গৈছে আলিয়াক।
তাৰ পিছত সকলোৰে মনত এটাই প্ৰশ্ন উত্থাপন হ’বলৈ ধৰিছে, আলিয়া ভাট্টে নিজৰ নাম সলনি কৰিলে নেকি? কিন্তু যদি সলনি কৰিছে, তেন্তে আলিয়া ভাট্টে ৩২ বছৰ বয়সত কিয় নাম সলনি কৰিলে?
উল্লেখ্য যে, চেলিব্ৰিটিসকলে বলীউডত অভিষেক ঘটোৱাৰ পূৰ্বে প্ৰায়ে নিজৰ নাম সলনি কৰে যাতে তেওঁলোকে উদ্যোগটোত ফিট হ’ব পাৰে। বা বহুতেই সংখ্যাবিজ্ঞানৰ বাবে নিজৰ নামত কিছু শব্দ যোগ কৰে। অৱশ্যে আলিয়াই এইবোৰ একো কৰা নাই।
আলিয়া ভাট্টে কেৱল উপাধি সলনি কৰিছে। এতিয়া আলিয়া ‘ভাট্ট’ৰ পৰা ‘কাপুৰ’ হৈ পৰিছে আৰু ইয়াৰ প্ৰমাণ তেওঁ নিজেই ইউটিউবত অনুৰাগীৰ সৈতে শ্বেয়াৰ কৰিছে।
অৱশ্যে আলিয়াই এতিয়াও আনুষ্ঠানিকভাৱে নিজৰ নাম আলিয়া কাপুৰলৈ সলনি কৰা নাই আৰু ইনষ্টাগ্ৰামতো নামত কোনো পৰিৱৰ্তন কৰা নাই। অৱশ্যে শেহতীয়াকৈ তেওঁ নিজৰ ইউটিউব চেনেলৰ পৰা এটা ভিডিঅ’ পোষ্ট কৰিছে।
৪ মিনিট ৩৭ ছেকেণ্ডৰ এই ভিডিঅ’টোত আলিয়া ভাটে কান চলচ্চিত্ৰ মহোৎসৱ ২০২৫ৰ আভাস দেখুৱাইছে। ভিডিঅ’টোত আলিয়াই কান চলচ্চিত্ৰ মহোৎসৱৰ বাবে সাজু হোৱা দেখা গৈছে। তাতেই আলিয়াৰ ড্ৰেছিং টেবুলত লিখা আছে আলিয়া ভাট্টৰ সলনি আলিয়া কাপুৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
