দুৰ্ঘটনাগ্ৰস্থ বিমানৰ ব্লেকবক্সৰ পৰা তথ্য উদ্ধাৰ কৰা হৈছে৷ সেই তথ্য ডাউনলোডো কৰা হৈছে৷ এইবাৰ সেই তথ্য পৰীক্ষা কৰি আছে বিমান দুৰ্ঘটনা তদন্তকাৰী সংস্থাই৷ বৃহস্পতিবাৰে এই কথা জনাইছে কেন্দ্ৰীয় চৰকাৰে৷ কেইবাদিন পূৰ্বে কেন্দ্ৰীয় অসামৰিক বিমান পৰিবহন মন্ত্ৰীয়ে জনাইছে যে এয়াৰ ইণ্ডিয়া বিমানৰ ব্লেক বক্স বিদেশলৈ পঠিওৱা হোৱা নাই৷ দেশতেই পৰীক্ষানিৰীক্ষা চলি আছে৷
বিগত ১২ জুনত আহমেদাবাদৰ মেঘানিনগৰৰ লোকালয়ত ভাঙি পৰিছিল এয়াৰ ইণ্ডিয়াৰ বিমান৷ বিমানখনৰ গন্তব্য স্থান আছিল গেটউইক৷ উৰানৰ পাঁচ মিনিট পাছতেই ভাঙি পৰে বিমানখন৷ বৃহস্পতিবাৰে এক বিবৃত্তি দি কেন্দ্ৰীয় অসামৰিক বিমান পৰিবহণ মন্ত্ৰনাল.এ জনাইছে যে ১৩ জুনত বিমানৰ ককপিট ভয়েছ ৰেকৰ্ডছ উদ্ধাৰ কৰিছে৷ যি ঘৰত বিমানখন ভাঙি পৰিছিল সেই ছাদৰ পৰা উদ্ধাৰ হৈছে ছি ভি আৰ৷ ১৬ জুন ধ্বংসস্তূপৰ পৰা উদ্ধাৰ হৈছিল ফ্লাইট ডাটা ৰেকৰ্ডাৰ৷ বিমানৰ ব্লেকবক্সৰ দুটা অংশ থাকে৷ এইসমূহৰ পৰা উদ্ধাৰ হৈছে উৰাণৰ তথ্য৷ কোন পথত, কিমান উচ্চতাত উৰিছিল বিমানখন, কিমান গতি আছিল, ইঞ্জিনৰ অৱস্থা কেনেকুৱা আছিল, এফ ডি আৰৰ তথ্য বিশ্লেষণ কৰি জনা যায়৷ ছি ভি আৰৰ তথ্য বিশ্লেষণ কৰি জনা যায়, উৰাণৰ সময়ত ককপিটত পাইলটৰ মাজত কি কথোপকথন চলিছিল, এয়াৰ ট্ৰেফিক কন্ট্ৰলৰ সৈতে কি কথা হৈছিল, কৰ্মীসকল বা যাত্ৰীয়ে কি কৈছিল সকলোবোৰ তথ্যই পোৱা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
