প্ৰায় সকলো মানুহেই টোপনিত সপোন দেখে৷ টোপনিৰ পৰা ওঠাৰ পাছতেই কাৰোবাৰ যদি সেই সপোন মনত থাকে, কোনোৱে আকৌ সেই সপোন পাহৰি যায়৷ যিসকলৰ মনত থাকে তেওঁলোকৰো সেই সপোন সম্পূৰ্ণকৈ মনত আছে বুলি ভৱাটো ভুল৷ কেতিয়াবা এই সপোনে আমাৰ মনক দীৰ্ঘসময়লৈ প্ৰভাৱিতও কৰি ৰাখে৷ গভীৰ সপোনৰ কিছু কিছু অংশ দিয়েই বিচাৰ কৰিব পাৰি বহু কথা৷ জ্যোতিষশাস্ত্ৰত সেই বিষয়ে নানান বিশ্লেষণ দিয়া আছে৷ শাস্ত্ৰমতে সপোনে বহু সময়ত আমাৰ ভৱিষ্যতৰ বিষয়েও বহু কথা কৈ দিব পাৰে৷ কি কি সপোন দেখিলে ভৱিষ্যতে কি হ’ব ক’ব পাৰি সেই বিষয়ে কি কৈছে জ্যোতিষশাস্ত্ৰই?
কি কি সপোনে ক’ব পাৰে আপোনাৰ ভৱিষ্যৎ?
ঘোঁড়াৰ সপোন
সপোনত যদি ঘোঁড়া দেখা পায় তেতিয়া বুজিব যে খুব শীঘ্ৰেই আপোনাৰ ভাল সময় আৰম্ভ হ’ব৷ জীৱনৰ জটিলতা কমি যাব আৰু আৰম্ভ হ’ব সুখৰ সময়৷ সফলতাই আপোনাৰ দুৱাৰত টোকৰ মাৰিব৷ দুৰন্ত ঘোঁড়া সপোনত দেখাটো খুবেই শুভ৷
বস্ত্ৰৰ সপোন
বস্ত্ৰৰ সপোন দেখা বা বস্ত্ৰ ক্ৰয়ৰ সপোন দেখাটোও শুভ হিচাপে ধৰা হয়৷ ইয়াৰ অৰ্থ আপোনাৰ আগন্তুক দিনসমূহ খুবেই ভালে যাব৷ সমস্ত বাধা দূৰ হৈ সু সময় আৰম্ভ হ’ব৷ বহু দিন ধৰি ৰৈ থকা কোনো কামো দূৰ হ’ব পাৰে৷
গছৰ সপোন
সপোনত সেউজীয়া ৰং দেখা অত্যন্ত শুভ বুলি কোৱা হয়৷ ইয়াতেই বুজা যায় আপোনাৰ টোপনি খুবেই ভাল হৈছে৷ আৰু সপোনত সেউজীয়া গছ দেখা বা গছৰ গুটি লগা দেখা মানেই বুজিব পৰিয়ালত সুখৰ সময় আৰম্ভ হৈছে৷ কাজিয়া পেচাল কমিবলৈ গৈছে৷ পৰিয়ালত কাৰোবাৰ ভাল খবৰো পাব পাৰে৷
আৰতি দেখা
সপোনত ভগৱানৰ আৰতি দেখাটোও খুবেই শুভ৷ ইয়াত মন শান্ত হয়৷ কৰ্মক্ষেত্ৰত জটিলতা কমাৰ ইংগিত দিয়ে এই সপোনে৷ জীৱনলৈ আহিব পাৰে উন্নতি৷
সমুদ্ৰ দেখা
সপোনত সমুদ্ৰ দেখাৰ অৰ্থ হৈছে জীৱনত কোনো বৃহৎ পৰিবৰ্তন আহিবলৈ গৈছে৷ কোনো কঠিন পৰিস্থিতিৰ মাজেৰে আপুনি যাব পাৰে৷ ভয়ৰ কাৰণ নাই, সতৰ্ক থাকিলেই হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
