অৱশেষত আৰক্ষীৰ জালত মছজিদত গাহৰি মাংস পেলোৱা, প্ৰেমত বিফল হোৱা বাবে কৰিছিল তেনে
অৱশেষত আৰক্ষীৰ জালত মছজিদত গাহৰি মাংস পেলাই ৰাজ্যজুৰি তোলপাৰ লগোৱা যুৱক। মহৰমৰ দিনাই পাঞ্জাবাৰীৰ এটা মছজিদত পলিথিন বেগ এটাৰে সৈতে পেলাই থৈ গৈছিল গাহৰি মাংস। মছজিদৰ চিচি টিভি কেমেৰাত আৱদ্ধ হৈছিল সকলো দৃশ্য।
সেই সকলো দৃশ্যৰ ভিত্তিতেই আজি অৱশেষত বৰপেটা আৰক্ষীয়ে আটক কৰে এই সমস্ত ঘটনাৰ অভিযুক্ত মৃদুপৱন পাঠক নামৰ যুৱকক। আৰক্ষীয়ে আটক কৰাৰ পাছতে পোহৰলৈ আহে এই নিকৃষ্ট কাণ্ডৰ পাছৰ সত্যতা।
কোনো হিন্দু-মুছলিম বা মন্দিৰত গো-মাংস পেলোৱাৰ প্ৰতিশোধো নহয়, বৰঞ্চ প্ৰেমত বিফল হৈ এই জঘন্য কাণ্ড মৃদুপৱন পাঠকৰ।
প্ৰেমত বিফল হোৱা বাবেই প্ৰতিশোধ ল’বলৈ মৃদুপৱন পাঠকে বাচি লৈছিল মছজিদ। মছজিদত পেলাই গৈছিল গাহৰি মাংস।
বৰপেটাৰ পৰা আৰক্ষীয়ে গ্ৰেপ্তাৰ কৰে মৃদুপৱন পাঠকক। AS15K2775 নম্বৰৰ স্কুটিখনেৰে আহি মছজিদত দলিয়াইছিল গাহৰি মাংসখিনি। ইতিমধ্যে স্কুটিখনো জব্দ কৰিছে দিছপুৰ আৰক্ষীয়ে ।
প্ৰেমৰ প্ৰস্তাৱ নমনাৰ বাবেই যুৱতীগৰাকীক বদনাম কৰিবলৈ মৃদুপৱনে দলিয়াইছিল মাংসখিনি । মাংস খিনিৰ লগতে থৈ গৈছিল যুৱতীগৰাকীৰ ফোন নম্বৰো।
বাৰে বাৰে প্ৰেমৰ প্ৰস্তাৱ দি হাৰাশাস্তি কৰিছিল যুৱতী গৰাকীক। উপায়হীন হৈ মৃদুপৱনৰ ফোন নম্বৰ ব্লক পৰ্যন্ত কৰিছিল যুৱতীগৰাকীয়ে। যাৰ বাবেই যুৱতীৰ ওপৰত প্ৰতিশোধ হিচাপে মৃদুপৱন পাঠকে মছজিদত পেলাইছিল গাহৰি মাংস। আৰক্ষীৰ জেৰাত প্ৰকাশ কৰে এই সমস্তা বিস্ফোৰক তথ্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
