ৰাজ্যত বৰ্তমানে প্ৰাণৰ শিল্পী জুবিন গাৰ্গৰ চাৰ্জশ্বীটক লৈ তোলপাৰ। সকলোৰে মনত বহুতো কৌতুহল। বহু লোকে বহু প্ৰশ্ন উত্থাপন কৰাৰ লগতে বহু লোকে এই চাৰ্জশ্বীটক লৈ আগবঢ়াইছেজ নিজা নিজা মন্তব্য। বহু লোকৰে মনত এটাই প্ৰশ্ন কিমান সঠিক এই চাৰ্জশ্বীট!
বিৰোধীয়েও মন্তব্য দিছে এই জুবিন গাৰ্গৰ মৃত্যু ঘটনাৰ ওপৰত আদালতত দাখিল কৰা চাৰ্জশ্বীটক লৈ। বিৰোধীৰ দুৰ্বল আখ্যা এই চাৰ্জশ্বীট।
তাকে লৈ আজি ১৬ ডিচেম্বৰ তাৰিখে মুখ্যমন্ত্ৰী হিমন্ত বিশ্ব শৰ্মাই জুবিন গাৰ্গৰ চাৰ্জশ্বীটক লৈ দিছে এক ডাঙৰ মন্তব্য। মুখ্যমন্ত্ৰী শৰ্মাই কৈছে যে, এই চাৰ্জশ্বীট কিমান শক্তিশালী সেয়া ন্যায়াধীশেহে কব। কিয়নো কেৱল আদালতত হে দাখিল কৰা হৈছে এই চাৰ্জশ্বীট। ন্যায়াধীশে নিজে দুৰ্বল বুলি মন্তব্য নকৰা এই চাৰ্জশ্বীট লগতে কোনেও পঢ়িব নোৱাৰা এখন চাৰ্জশ্বীট বিৰোধীয়ে কেনেকৈ দুৰ্বল আখ্যা দিলে বুলিয়ো মন্তব্য আগবঢ়াই মুখ্যমন্ত্ৰী শৰ্মাই।
মুখ্যমন্ত্ৰীয়ে লগতে ইয়াকো কয় যে, আদালতৰ কাম বিৰোধীয়ে কেনেকৈ কৰিব? চাৰ্জশ্বীটক লৈ বিৰোধীৰ কোনো জ্ঞান গভীৰতা নাই।
আনহাতে বিৰোধী কংগ্ৰেছ দলৰ শক্তিশালী নেতা গৌৰৱ গগৈয়ে এই চাৰ্জশ্বীট তথা জুবিন গাৰ্গৰ ন্যায় সন্দৰ্ভত নিজৰ মন্তব্য প্ৰকাশ কৰি কয় যে, ইতিমধ্যে আদালতত অভিযোগনামা দাখিল কৰা হৈছে। সেয়ে তদন্তৰ আশা কৰিব পাৰি। কিন্তু তদন্ত কিমান সঠিক হ’ব তাক লৈ কিছু সন্দেহ বুলি মন্তব্য গৌৰৱ গগৈৰ।
কংগ্ৰেছ নেতাগৰাকীয়ে ইয়াকো কয় যে, চাৰ্জশ্বীটক লৈ ইতিমধ্যে বহু লোকে সন্দেহ প্ৰকাশ কৰি প্ৰশ্ন কৰিছে। বহু জ্যেষ্ঠ আইনজ্ঞইয়ো এই ক্ষেত্ৰত সন্দেহ প্ৰকাশ কৰিছে বুলি মন্তব্য আগবঢ়াই গগৈয়ে। ক
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
