মহাৰাষ্ট্ৰৰ প্ৰয়াত উপমুখ্যমন্ত্ৰী তথা এন চি পি নেতা অজিত পাৱাৰৰ চাৰ্টাৰ্ড বিমানত ছেটেলাইট ছেফ্টি গিয়েৰ নাছিল নেকি? বিভিন্নজনে কৰিছে এই প্ৰশ্ন৷ এক সূত্ৰৰ দাবী, প্ৰাথমিক তদন্তত লাভ কৰা তথ্য অনুসৰি ১৬ বছৰীয়া পুৰণি এই বিমানখনত ছেটেলাইট ছেফটি গিয়েৰ ‘গগন’ নাছিল৷ যাৰ বাবে অৱতৰণ কৰিবলৈ যোৱাৰ সময়ত দুৰ্ঘটনাত পৰে বিমানখন৷
প্ৰাথমিকভাৱে অনুমান কৰা হৈছে যে বিমানখনে যি সময়ত বাৰামতী বিমানবন্দৰত অৱতৰণৰ চেষ্টা কৰিছিল সেই সময়ত ঘন কুঁৱলীৰ কাৰণে দৃশ্যমানতা কম আছিল৷ ফলত পাইলটে প্ৰথমবাৰ অৱতৰণৰ চেষ্টা কৰিও অৱতৰণ কৰিব নোৱাৰিলে৷ দ্বিতীয়বাৰ বিমানখনে অৱতৰণ কৰিবলৈ নামি অহাৰ সময়তে দুৰ্ঘটনাটো সংঘটিত হয়৷ বেছ কেইবাটাও সূত্ৰৰ দাবী, দৃশ্যমানতা কম থাকিলে সেই পৰিস্থিতিত বিমানৰ ছেটেলাইট গিয়েৰ ছেফটি ব্যৱস্থাৰ সহায়ত বিমান একোখনে অৱতৰণ কৰে৷
সূত্ৰৰ দাবী, অজিত পাৱাৰে যিখন লিয়াৰজেট বিমানত যাত্ৰা কৰিছিল সেই বিমান নথিভুক্ত হৈছিল ২০২১ চনৰ ২ জুনত৷ তাৰ ঠিক ২৮ দিনৰ পাছতেই নতুন নিয়ম কাৰ্যকৰ হয়৷ তাতেই গগন প্ৰযুক্তি ব্যৱস্থা বাধ্যতামূলক কৰা হৈছিল৷ ফলত এই বিমানখনত সেই ব্যৱস্থা নাছিল বুলিয়েই বহুজনৰ দাবী৷ উৰান বিশেষজ্ঞই কৈছে, বিমানখনত এডভান্সড ছেটেলাইট গাইডেন্স সম্ভৱত নাছিল৷ সেই কাৰণেই এই দুৰ্ঘটনা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
