বৈদিক জ্যোতিষশাস্ত্ৰত বুধ হৈছে জ্ঞান, বুদ্ধি, শিক্ষা আৰু বাচন ক্ষমতাৰ কাৰক গ্ৰহ৷ সূৰ্যৰ সকলোতকৈ নিকটবৰ্তী এই গ্ৰহক জ্যোতিষশাস্ত্ৰত যুৱৰাজ বুলিও সম্বোধন কৰা হয়৷ চন্দ্ৰৰ পাছতেই বুধে সকলোতকৈ দ্ৰুত ৰাশি পৰিবৰ্তন কৰে৷ আগন্তুক ২৫ মাৰ্চত এই বুধ গ্ৰহই আৰম্ভ কৰিব দক্ষিণ মাৰ্গী চলন৷ জ্যোতিষবিদৰ মতে বুধৰ এই দক্ষিণমুখী গমনৰ ফলত বিশেষ ৫ ৰাশিৰ জাতক জাতিকাৰ জীৱনত সৌভাগ্যৰ নতুন দিগন্ত উন্মোচিত হ’ব৷ বিশেষকৈ শিক্ষা, ব্যৱসায় আৰু কৰ্মক্ষেত্ৰত সাফল্যৰ যোগ দেখিছে গণকে৷
মেষ ৰাশি
বুধৰ দক্ষিণগামী চলন মেষ ৰাশিৰ জাতকৰ বাবে আশীৰ্বাদ হৈ নামিব৷ দীৰ্ঘদিনৰ ৰৈ থকা ধন অপ্ৰত্যাশিতভাৱে উভতি আহিব পাৰে৷ বিনিয়োগৰ ক্ষেত্ৰত ডাঙৰ মুনাফা অহাৰ যোগ আছে৷ এই সময়ত আপোনাৰ সাহস আৰু আত্মবিশ্বাস তুংগত থাকিব৷ যাৰ ফলত কৰ্মক্ষেত্ৰত কঠিন কোনো সিদ্ধান্ত লোৱা সহজ হৈ পৰিব৷ উপাৰ্জনৰ একাধিক নতুন উৎস খুলি যোৱাত আৰ্থিক চিন্তাৰ পৰা মুক্তি পাব৷
মিথুন ৰাশি
যিহেতু মিথুন ৰাশিৰ অধিপতি বুধ, সেয়ে ইয়াৰ চলন সলনিত সকলোতকৈ বেছি লাভৱান হ’ব এই ৰাশিৰ জাতকেই৷ আপোনাৰ বাবে এক সোণালী অধ্যায়ৰ সূচনা হব৷ ব্যৱসায়ীয়ে ডাঙৰ কোনো লাভজনক চুক্তিত চহী কৰিব পাৰে৷ বাচনভংগীৰ জাদুৰে আপুনি অন্যত মোহিত কৰিব৷ যাৰ ফলত বহু জটিল সমস্যাৰ সমাধান হ’ব কেৱল কথাৰ মাধ্যমেৰেই৷ সমাজত আপোনাৰ সন্মান আৰু প্ৰতিষ্ঠা বৃদ্ধি পাব৷
সিংহ ৰাশি
২৫ মাৰ্চৰ পাছৰে পৰা সিংহ ৰাশিৰ জাতকৰ ঘৰত লক্ষ্মীৰ কৃপা বৰ্তি থাকিব৷ উপাৰ্জনৰ সুযোগ আহিব৷ বিশেষকৈ পৈতৃক সম্পত্তিক লৈ চলা দীৰ্ঘদিনৰ বিবাদ বা আইনী জটিলতা এইবাৰ দূৰ হোৱাৰ সম্ভাৱনা আছে৷ ছাত্ৰ-ছাত্ৰীসকলৰ বাবে এই সময় অত্যন্ত শুভ৷ প্ৰতিযোগিতামূলক পৰীক্ষাত সাফল্যৰ সংকেত আছে৷ ব্যৱসায়িক ক্ষেত্ৰতো আৰ্থিক উন্নতিৰ গ্ৰাফ ঊর্ধ্বমুখী হব৷
কন্যা ৰাশি
কন্যা ৰাশিৰ জাতকৰ বাবে কৰ্মক্ষেত্ৰত ডাঙৰ সুসংবাদে অপেক্ষা কৰিছে৷ বুধৰ কৃপাত চাকৰিত পদোন্নতি বা মোটা অংকৰ দৰমহা বৃদ্ধিৰ যোগ প্ৰবল৷ যিসকলে দীৰ্ঘদিন ধৰি নতুন কামৰ সন্ধানত আছে তেওঁলোকৰ বাবে ভাল সুযোগ আহিব পাৰে৷ মানসিক দুশ্চিন্তাৰ পৰা ওলাই আহিব পাৰিব৷
ধনু ৰাশি
দক্ষিণমুখী বুধে ঝনু ৰাশিৰ জাতকৰ জীৱনলৈ সুখ আৰু সমৃদ্ধিৰ খবৰ কঢ়িয়াই আনিছে৷ পাৰিবাৰিক অশান্তি দূৰ হৈ শান্তিময় পৰিবেশ তৈয়াৰ হব৷ নতুন বাহন আৰু ঘৰ ক্ৰয়ৰ যি পৰিকল্পনা দীৰ্ঘদিন ধৰি কৰিছিল সেয়া সফল হোৱাৰ যোগ আছে৷ জীৱনসংগীৰ সৈতে সম্পৰ্কৰ মাধুৰ্যতা বাঢ়িব আৰু যৌথ কোনো কামত বিশেষ সাফল্য লাভ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
