আধুনিক চিকিৎসা প্ৰযুক্তিৰ বহু উন্নতি হৈছে৷ যিয়ে ৰোহ নিৰ্ণয়ো খুবেই সহজ কৰি তুলিছে৷ সাধাৰণতে মস্তিষ্কত টিউমাৰ তৈয়াৰ হ’লে সেয়া বিচাৰি বাহিৰ কৰা চিকিৎসকৰ বাবে এক ডাঙৰ চেলেঞ্জ হৈ থিয় দিয়ে৷ কেৱল ৰোগীৰ মূৰৰ বিষ বা জ্ঞান হেৰুওৱাৰ দৰে উপসৰ্গই দেখা দিলে পৰীক্ষা কৰাটো জৰুৰী৷
কিন্তু এতিয়া বিজ্ঞানীয়ে বহু বস্তুৱেই আৱিষ্কাৰ কৰিছে৷ তেওঁলোকে কৈছে কেৱলমাত্ৰ এটা সৰু তেজ পৰীক্ষাৰ মাধ্যমেৰেই মস্তিষ্কৰ কৰ্কটৰ টিউমাৰ ৯০ শতাংশ নিৰ্ভুলভাৱে চিনাক্ত কৰা সম্ভৱ৷ ভৱিষ্যতে ই লাখ লাখ জীৱন ৰখা কৰাৰো সম্ভাৱনা বৃদ্ধি কৰিছে৷ তেজ পৰীক্ষাৰ সময়ত এই পৰীক্ষা হ’লে ৰোগ আৰম্ভণিতে চিনাক্ত কৰা সম্ভৱ হৈ পৰে৷
সাধাৰণতে যদি কোনোৱে সন্দেহ কৰে যে তেওঁৰ মস্তিষ্কত টিউমাৰ হৈছে নেকি অৰ্থাৎ যদি তেওঁৰ সন্দেহ হয় তেতিয়াই পৰীক্ষা কৰোৱাটো জৰুৰী৷ চিকিৎসকেও লগে লগেই এম আৰ আই স্কেন কৰে৷ অথৱা তেওঁৰ টিউমাৰ থকা অংশৰ বায়োপছি কৰে৷ ই এক খুবেই কঠিন পদ্ধতি৷ কাৰণ মস্তিষ্কৰ অস্ত্ৰোপচাৰ কৰি সেই অংশটো বাহিৰ কৰি আনিব লাগে৷ ই ৰোগীৰ বাবে বহু ভয় আৰু বিব্ৰতকৰ পৰিস্থিতিৰ সৃষ্টি কৰে৷
শেহতীয়াকৈ ব্ৰিটিছ আৰু ডেনিছ বিজ্ঞানীসকলৰ যৌথ প্ৰচেষ্টাত ৰক্ত পৰীক্ষাৰ মাধ্যমেৰেই কৰ্কট চিনাক্ত কৰা সম্ভৱ হৈ পৰিছে৷ অৰ্থাৎ কঠিন পদ্ধতিৰ অবিহনেই এই ৰোগ চিনাক্ত কৰা সম্ভৱ হৈ পৰিছে৷
বিজ্ঞানীয়ে তেজত দুই ধৰণেৰে প্ৰটিন চিনাক্ত কৰিছে৷ মস্তিষ্কত তেজ গোট বান্ধিলে তেজত এই প্ৰটিনসমূহ পোৱা যায়৷ এইসমূহক কোৱা হয় লিকুইড বায়োপছি৷ এই প্ৰটিনসমূহৰ ওপৰত ভিত্তি কৰিয়েই চিকিৎসকে মস্তিষ্কৰ টিছ্যু স্পৰ্শ নকৰাকৈ কৈ দিব পাৰে যে মস্তিষ্কৰ ভিতৰত তেজ গোট বান্ধিছেনে নাই৷ প্ৰাথমিক পৰীক্ষাত ৯০ শতাংশৰো বেছি নির্ভুলতাৰ সৈতে কাম কৰিছে এই পৰীক্ষাই৷
সাধাৰণ স্কেনত দেখা যোৱাৰ পূৰ্বেই তেজ পৰীক্ষাৰ মাধ্যমেৰেই তেজ গোট মৰা চিনাক্ত কৰা সম্ভৱ৷ য’ত খৰতকীয়াকৈ ৰোগ চিনাক্ত কৰা সম্ভৱ হৈ পৰে৷ চিতিৎসকেও খৰতকীয়াকৈ চিকিৎসা আৰম্ভ কৰাৰ সুযোগ পায়৷ বায়োপছিৰ দৰে বিপজ্জনক অপাৰেছন অবিহনেই ৰোগ নিৰ্ণয়ো সম্ভৱ হৈ পৰে৷ ইয়াৰোপৰি চিকিৎসা চলাৰ সময়ত তেজ বন্ধা অংশটো সৰু হৈছেনে নাই সেই পৰীক্ষাও তেজ পৰীক্ষাৰ মাজেৰেই জনা সম্ভৱ কৰি তুলিছে বিজ্ঞানীয়ে৷
বিজ্ঞানীসকলে এই পৰীক্ষাক কৰোনা টেষ্ট কিটৰ দৰেই এটি সৰু ডিভাইছলৈ পৰিণত কৰাৰো আশা কৰিছে৷ ফলত এই পৰীক্ষা সৰু চহৰসমূহতো সম্ভৱ হ’ব বুলি জনাইছে বিজ্ঞানীয়ে৷ যদি এই পৰীক্ষা সম্পূৰ্ণৰূপে সহজলভ্য হৈ পৰে তেতিয়া ই কৰ্কটৰ চিকিৎসাৰ এক বৃহৎ মাইলফলক হ’ব৷ ৰোগ প্ৰাথমিক পৰ্যায়ত চিনাক্ত কৰা সম্ভৱ হৈ পৰিব৷ টিউমাৰসমূহো সৰু থাকোতেই অপসাৰণ কৰা আৰু ৰোগীৰ জীৱন ৰক্ষা কৰা সহজ হব৷ বিজ্ঞানীয়ে একেই ধৰণৰ তেজ পৰীক্ষাৰ মাধ্যমেৰে কেৱল মস্তিষ্কৰ কৰ্কটেই নহয়, হাওঁফাওঁ, স্তন আৰু অন্ত্ৰৰ কৰ্কটো চিনাক্ত কৰাৰ চেষ্টা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
