সনাতন ধৰ্মত গৰুড় পুৰাণক ১৮টা মহাপুৰাণৰ অন্যতম হিচাপে গণ্য কৰা হয়৷ এই পুৰাণত মৃত্যু আৰু মৃত্যুৰ পৰবৰ্তী জীৱনৰ বিষয়ে বিশদ আলোচনা কৰা হৈছে৷ মূলত ভগৱান বিষ্ণু আৰু তেওঁৰ বাহন গৰুড়ৰ মাজত হোৱা এক বিশেষ সংলাপৰ ওপৰত ভিত্তি কৰি এই গ্ৰন্থ ৰচিত৷ কোৱা হয় যিয়ে গৰুড় পুৰাণৰ উপদেশত জীৱনত প্ৰয়োগ কৰিলে তেওঁ জীৱনৰ নানান পৰিস্থিতিত সুখী আৰু সমৃদ্ধ থাকিব পাৰিব৷ বহুতৰ ওচৰত অৰ্থ, জ্ঞান আৰু সম্পদ থকা সত্ত্বেও এটা সময়ত জীৱনত অৱনতি ঘটে৷ গৰুড় পুৰাণ অনুসৰি মানুহৰ কিছু ভুল অভ্যাসেই ইয়াৰ বাবে দায়ী৷ গৰুড় পুৰাণত মানুহৰ কোন ৪ ভুল অভ্যাসক অৱনতিৰ কাৰণ হিচাপে বাখ্যা কৰা হৈছে জানেনে?
অপৰিচ্ছন্নতা
গৰুড় পুৰাণ অনুসৰি যিসকলে নিজৰ শৰীৰ আৰু পৰিবেশ পৰিষ্কাৰ নাৰাখে, তেওঁৰ জীৱনলৈ দাৰিদ্ৰ নামি আহে৷ শাস্ত্ৰত উল্লেখ আছে যে মা লক্ষ্মীয়ে সেই স্থানতেই বাস কৰে য’চ পৰিষ্কাৰ-পৰিচ্ছন্নতা বজায় ৰখা হয়৷ সেয়ে প্ৰতিদিনে স্নান কৰা আৰু ঘৰ পৰিবেশ পৰিষ্কাৰ ৰখা অত্যন্ত জৰুৰী৷ কেৱল অৰ্থৰ ক্ষতিয়েই নহয়, সমাজত সন্মানো কমি যায়৷
বিদ্যা চৰ্চা বন্ধ কৰক
কেৱল জ্ঞান অৰ্জন কৰিলেই নহয়, সেয়া নিয়মিত চৰ্চাৰ মাধ্যমেৰেও ধৰি ৰখাও গুৰুত্বপূৰ্ণ৷ গৰুড় পুৰাণত কোৱা হৈছে যিসকলে নিয়মিত অনুশীলন নকৰে তেওঁলোকৰ জ্ঞান ধীৰে ধীৰে কমি যায়৷ অনুশীলত অবিহনে বিদ্যা নষ্ট হয়৷ সেয়ে সকলো সময়ত শিকাৰ অভ্যাস বজায় ৰখা উচিত৷
অনিয়মিত আৰু অস্বাস্থ্যকৰ খাদ্যভ্যাষ
শাস্ত্ৰমতে সুস্থ শৰীৰেই মানুহৰ সকলোতকৈ ডাঙৰ সম্পদ৷ কিন্তু আধুনিক জীৱনযাত্ৰাত বহুতেই খাদ্যভ্যাষক অৱহেলা কৰিব৷ গৰুড় পুৰাণত কোৱা হৈছে ভুল খাদ্যভ্যাষে ধীৰে ধীৰে শৰীৰ আৰু সম্পদৰ ক্ষতি কৰে৷ অধিকাংশ ৰোগৰ মূল কাৰণেই অসামঞ্জস্যপূৰ্ণ খাদ্য৷ সেয়ে সকলো সময়তে সুষম আৰু সহজপাচ্য খাদ্য খোৱা উচিত৷
অন্যৰ নিন্দা
গৰুড় পুৰাণ অনুসৰি বন্ধু অমূল্য ৰত্নৰ দৰে৷ কিন্তু বন্ধুৰ গোপন কথা অন্যৰ আগত গোৱা বা নিন্দা কৰাই সম্পৰ্ক নষ্ট কৰি দিয়ে৷ ইয়াৰ ফলত বিশ্বাস ভাঙি যায় আৰু বন্ধুত্ব ধীৰে ধীৰে শেষ হৈ যায়৷ সেয়ে সম্পৰ্ক বজায় ৰাখিবলৈ হলে কেতিয়াবা কেতিয়াবা কাৰোবাৰ গোপন কথা প্ৰকাশ কৰা উচিত নহয়৷ এনে কাম যিসকলে কৰে তেওঁলোকৰ বন্ধু নাথাকে৷ সেয়ে বিপদত পৰিলে কাকো কাষত নাপায় এনেধৰণৰ লোকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
