মুম্বাইৰ অভিজাত এলেকা বান্দ্ৰাত নতুন ঠিকনা গঢ়িলে শ্বাহৰুখ খানৰ ব্ৰেণ্ড মেনেজাৰ পূজা দাদলানিয়ে৷ চৰকাৰী ৰেজিষ্ট্ৰেচন নথি অনুসৰি পূজাই তেওঁৰ স্বামী হিতেশ প্ৰকাশ আৰু পিতৃ মোহন শিউৰাম দাদলানিৰ সৈতে মিলি কাৰ্টাৰ ৰোডত তিনিটা প্ৰিমিয়াম এপাৰ্টমেণ্ট কিনিছে৷ এই মেগা ডিলৰ মুঠ অৰ্থমূল্য প্ৰায় ৩৮.২১ কোটি টকা৷
কাৰ্টাৰ ৰোডৰ বৰুণ নামৰ এক পুননিৰ্মাণ প্ৰকল্পত তেওঁ তিনটা ফ্লেট কিনিছে তেওঁ৷ প্ৰতিটো ফ্লেটৰ কাৰ্পেট এৰিয়া ১,৫১১.১৫ বৰ্গফুট আৰু ইয়াৰ সৈতে আছে ৮১.১৬ বৰ্গফুটৰ বিশাল বেলকনি৷ সকলো মিলি প্ৰায় ৪৭৭৬ বৰ্গফুট এলেকা জুৰি আছে তেওঁৰ এই নতুন ৰাজপ্ৰাসাদ৷ লটাছ ডেভেলপাৰ্ছৰ অধীনত থকা ট্ৰিক্সা ৰিয়েল এষ্টেট প্ৰাইভেট লিমিটেডৰ পৰা এই ফ্লেটসমূহ কিনা হৈছে৷ বিগত ২১ এপ্ৰিলত এই লেনদেনৰ প্ৰক্ৰিয়া সম্পন্ন হৈছে৷ যাৰ বাবে ২.১৬ কোটি টকা ষ্টাম্প ডিউটি আৰু ৯০ হাজাৰ টকা ৰেজিষ্ট্ৰেছন ফি জমা দিয়া হৈছে৷ এই চুক্তিৰ সৈতে ৬টা পাৰ্কিং স্পটো পাইছে তেওঁ৷
পাব্লিক প্ৰফাইল খুবেই সন্মুখলৈ নাহিলেও পূজা বিনোদন জগতৰ অন্যতম প্ৰভাৱশালী নাম৷ দীৰ্ঘ সময় ধৰি তেওঁ শ্বাহৰুখ খানৰ ব্ৰেণ্ড এনডৰ্ছমেণ্ট আৰু পাব্লিক এপিয়াৰেন্স চম্ভালি আছে৷ ২০২৩ চনত পূজাই তেওঁৰ ঘৰৰ ভিতৰৰ ডিজাইন সলনি কৰিছিল৷ আৰু এই সমগ্ৰ কাম কৰিছিল শ্বাহৰুখৰ পত্নী গৌৰী খানে৷ পূজাৰ ঘৰৰ নতুন ৰূপ চাবলৈ তাত উপস্থিত হৈছিল শ্বাহৰুখ খানো৷
পূজাই যেতিয়া ৩৮ কোটিৰ ঘৰ কিনিছে তেতিয়া শ্বাহৰুখ খানে নিজেই কিন্তু এতিয়াও ভাড়াঘৰতে দিন কটাইছে৷ তেওঁৰ আইকনিক বাংলো মন্নতৰ মেৰামতিৰ কাম চলি থকাৰ বাবে বিগত বছৰৰ ফেব্ৰুৱাৰী মাহৰ পৰা তেওঁ দুটাকৈ লাক্সাৰি ডুপ্লেক্স এপাৰ্টমেণ্ট লিজত লৈছে৷ তিনি বছৰৰ বাবে সেই লিজত শ্বাহৰুখে খৰচ কৰিছে প্ৰায় ৮.৬৭ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
