ইন্দোৰৰ ৰাজা ৰঘুবংশী কাণ্ডৰ লগত জড়িত পত্নী সোনম ৰঘুবংশীৰ জামিন মঞ্জুৰ। ২০২৫ চনৰ মে’ মাহত মেঘালয়ৰ শ্বিলঙত হানীমুনৰ সময়ত এই হত্যাকাণ্ড সংঘটিত হৈছিল সোনমে। শেহতীয়া খবৰ অনুসৰি, স্বামী ৰাজা ৰঘুবংশীৰ প্ৰাণ কাঢ়ি লোৱাৰ অভিযোগত শ্বিলং কাৰাগাৰত আছিল সোনম ৰঘুবংশী। এতিয়া আদালতৰ পৰা জামিন লাভ কৰিছে স্বামীহন্তা সোনমে। ৰাজা ৰঘুবংশীৰ জ্যেষ্ঠ ভাতৃয়ে নিশ্চিত কৰিছে যে সোনমে জামিন লাভ কৰিছে।
মধ্য প্ৰদেশ ইন্দোৰৰ বহু চৰ্চিত ৰাজা ৰঘুবংশী হত্যাকাণ্ডৰ অভিযুক্ত সোণম ৰঘুবংশীক আদালতে জামিন প্ৰদান কৰিছে। ৰাজা ৰঘুবংশীৰ ন্যায় পাবলৈ যুঁজি থকা পৰিয়ালটোৰ বাবে সোনমে জামিন পোৱাটো এক ডাঙৰ আঘাতৰ দৰে।
তিনিবাৰকৈ জামিন আবেদন নাকচ কৰা হয়
স্বামী ৰাজা ৰঘুবংশীৰ হ*ত্যা কৰাৰ অভিযোগত কেইবামাহো ধৰি কাৰাগাৰত আছিল সোণম ৰঘুবংশী। ইয়াৰ পূৰ্বে তিনিবাৰকৈ জামিনৰ বাবে আবেদন জনাইছিল যদিও আদালতে নাকচ কৰিছিল। ইয়াৰ পূৰ্বে আদালতে ৰাজা ৰঘুবংশী কাণ্ডৰ গোচৰত সোনম ৰঘুবংশীৰ সহযোগী লোকেন্দ্ৰ সিং টোমাৰ, চকীদাৰ বলবীৰ আহিৰৱাৰ আৰু শ্বিলম জেমছক জামিন প্ৰদান কৰিছিল। অৱশ্যে আদালতে এতিয়া সোণমক জামিন প্ৰদান কৰিছে। ইফালে, ৰাজা ৰঘুবংশী হত্যাকাণ্ডত সোনম ৰঘুবংশীৰ সহযোগী তেওঁৰ প্ৰেমিক ৰাজ কুশৱাহা এতিয়াও জে’লত আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
