বিবাহ এক পবিত্ৰ বান্ধোন। বিবাহৰ সৈতে মাথোঁ দুজন ব্যক্তি নহয়, দুখন পৰিয়ালো জড়িত হৈ থাকে। এইবাৰ পঞ্জাৱৰ ফাজিলকাৰ পৰা আহিছে এক চাঞ্চল্যকৰ খবৰ, যিয়ে সকলোকে আচৰিত কৰি তুলিছে। বিয়া হ’ল ঠিকেই, কিন্তু শেষ মুহূৰ্তত দৰাৰ প্ৰথম পত্নী পুলিচৰ সৈতে বিয়াঘৰত উপস্থিত হয়। তাৰ পিছল লাগিল হাহাকাৰ, কইনা নিব নে নিনিয়ে।
প্ৰায় সকলো বিয়াৰ অনুষ্ঠান সম্পূৰ্ণ হৈ গৈছিল। বৰমালা পিন্ধোৱাৰ পিছত দৰা-কইনাই হোমৰ জুইক সাক্ষী কৰি সাত জীৱনৰ বাবে একেলগে থকাৰ কথা দিয়ে। কিন্তু তাতেই লাগে কেনা! কইনাৰ পৰিয়ালটো বিদায়ৰ প্ৰস্তুতিত ব্যস্ত হৈ থকাৰ সময়তে হঠাতে দৰা জছৱিন্দৰৰ প্ৰথম পত্নী যশৱন্ত কৌৰ আৰক্ষী লৈ আহি উপস্থিত হয়।
যছবন্ত কৌৰে কয়, তেওঁৰ প্ৰথম স্বামীৰ মৃত্যুৰ পিছত ২০১৭ চনত জছৱিন্দৰ সিঙৰ সৈতে আদালতৰ বিবাহপাশত আৱদ্ধ হয়। বিগত ৯ বছৰ ধৰি দুয়ো একেলগে বাস কৰি আছিল আৰু এগৰাকী কন্যাও আছে। জছৱিন্দৰে তেওঁক জালালাবাদত ৰাখিছিল, কিন্তু কেতিয়াও মৌজেৱালাত থকা নিজৰ পূৰ্বপুৰুষৰ ঘৰলৈ লৈ যোৱা নাছিল। তেওঁক ঘৰলৈ নিয়াৰ বাবে সদায় অজুহাত দেখুৱাইছিল। প্ৰায় এবছৰমান আগতে যশৱন্তক এৰি নিৰুদ্দেশ হয়।
আশ্চৰ্যজনকভাৱে জছৱিন্দৰে নিজেই দৰা হিচাপে থকা এখন ফটো যশৱন্তলৈ পঠিয়াই দিলে। ধৰা নপৰা বুলি ভাবিছিল চাগে, কিন্তু এইটোৱেই তেওঁৰ আটাইতকৈ ডাঙৰ ভুল বুলি প্ৰমাণিত হ’ল। ফটোখন পোৱাৰ লগে লগে যশৱন্তে তেওঁক বিচাৰি উলিয়াই আৰক্ষীৰ সৈতে পোনে পোনে বিয়াৰ স্থানলৈ যায়। দৰাজন ড্ৰাগছ আসক্ত আৰু অপৰাধী বুলি প্ৰমাণিত হয় আৰু বিয়াও বাতিল হয়। কিন্তু দৰা দেৱালৰ ওপৰেৰে দৌৰি পলাই যাবলৈ সক্ষম হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
