স্বাধীনতাৰ পাছত প্ৰথমবাৰৰ বাবে পশ্চিমবংগলৈ ক্ষমতালৈ আহিছে বিজেপি৷ ৰাজ্যত প্ৰথমবাৰৰ বাবে বিজেপি চৰকাৰৰ মুখ্যমন্ত্ৰী হিচাপে শপত লৈছে শুভেন্দু অধিকাৰীয়ে৷ শনিবাৰে ১১বাজি ৩০ মিনিটত আনুষ্ঠানিকভাৱে শপতগ্ৰহণ কৰিছে শুভেন্দু অধিকাৰীয়ে৷ কলকাতাৰ ব্ৰিগেডৰ পেৰেড গ্ৰাউণ্ডত আয়োজন কৰা হৈছে এক বিশাল অনুষ্ঠানৰ৷ এই অনুষ্ঠানলৈ আহিছে দেশৰ বহু ৰাজনৈতিক নেতাৰ পৰা আৰম্ভ কৰি শিল্পী, কলা-কুশলী আৰু অন্যান্য ক্ষেত্ৰত তাৰকা ব্যক্তি৷
আহিছে ২৩জন মুখ্যমন্ত্ৰী
প্ৰধানমন্ত্ৰী নৰেন্দ্ৰ মোদী, কেন্দ্ৰীয় গৃহমন্ত্ৰী অমিত শ্বাহ, শীৰ্ষ কেন্দ্ৰীয় মন্ত্ৰীসকলৰ ওপৰিও বিজেপি শাসিত ৰাজ্যসমূহৰ প্ৰায় ২৩জন মুখ্যমন্ত্ৰীও এই শপতগ্ৰহণ অনুষ্ঠানত উপস্থিত হৈছে৷ এই তালিকাত আছে ছিকিমৰ মুখ্যমন্ত্ৰী প্ৰেম সিং তামাং, অৰুণাচলৰ মুখ্যমন্ত্ৰী পেমা খাণ্ডু, ত্ৰিপুৰাৰ মুখ্যমন্ত্ৰী মানিক সাহা, অসমৰ মুখ্যমন্ত্ৰী হিমন্ত বিশ্ব শৰ্মা, নাগালেণ্ডৰ মুখ্যমন্ত্ৰী নেফিউ ৰিঅ’, মণিপুৰৰ মুখ্যমন্ত্ৰী খেম চন্দ সিং, উপমুখ্যমন্ত্ৰী নেমছা কিপজেন, ৰাজস্থানৰ মুখ্যমন্ত্ৰী দিয়া কুমাৰী, মহাৰাষ্ট্ৰৰ মুখ্যমন্ত্ৰী একনাথ শিণ্ডে, চন্দ্ৰবাবু নাইডু, যোগী আদিত্যনাথ, ৰেখা গুপ্তাকে ধৰি উপস্থিত আছে ভিন্নৰাজ্যৰ মুখ্যমন্ত্ৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
