আজি দ্বিতীয়বাৰৰ বাবে মুখ্যমন্ত্ৰী হিচাপে শপত গ্ৰহণ কৰিব হিমন্ত বিশ্ব শৰ্মাই। আজি খানাপাৰাত অনুষ্ঠিত হ’ব শপতগ্ৰহণ অনুষ্ঠান। তৃতীয়বাৰৰ বাবে বিজেপিয়ে চৰকাৰ গঠন কৰিব ৰাজ্যত। বিশাল মঞ্চত উদ্ভাসিত হ’ব অসমৰ বাৰেৰহনীয়া কৃষ্টিৰ লগতে সত্ৰ-সংস্কৃতিৰ আভাস। লাখ লোকৰ উপস্থিতিত খানাপাৰাত বিশাল শপতগ্ৰহণ সমাৰোহ। আজি দিনৰ ১১ঃ৪০ বজাত মুখ্যমন্ত্ৰী হিচাপে শপতগ্ৰহণ কৰিব হিমন্ত বিশ্ব শৰ্মাই। আজি মুখ্যমন্ত্ৰীৰ লগতে শপত গ্ৰহণ কৰিব আন ৪ গৰাকী মন্ত্ৰীয়ে। তেওঁলোক ক্ৰমে ৰামেশ্বৰ তেলী, অজন্তা নেওগ, অতুল বৰা, চৰণ বড়ো।
এতিয়া গুৱাহাটীত ভিৰ কৰিছে VIP আৰু VVIP য়ে। এই অনুষ্ঠানত অংশগ্ৰহণ কৰিব প্ৰধানমন্ত্ৰী মোদী, গৃহমন্ত্ৰী, প্ৰতিৰক্ষা মন্ত্ৰী, বিত্ত মন্ত্ৰী নিৰ্মলা সীতাৰমণ, বিদেশী ৰাষ্ট্ৰ ৰাষ্ট্ৰদূত আৰু অসমৰ বিভিন্ন জিলাৰ পৰা সত্ৰাধিকাৰ। ইয়াৰোপৰি উপস্থিত থাকিব ৰাষ্ট্ৰীয় বিজেপিৰ সভাপতি নীতিন নবীন, শিৱৰাজ সিং চৌহান, কেবিনেট মন্ত্ৰী জে পি নাড্ডা আৰু দেশৰ ২২ ৰাজ্যৰ মুখ্যমন্ত্ৰী।
কেৱল সেয়াই নহয়, ডাঙৰ ডাঙৰ উদ্যোগপতিৰে ভৰিছে গুৱাহাটী মহানগৰ। জিত আদানী, মুকেশ আম্বানী,সজ্জন জিণ্ডাল , ন’ৱেল টাটাৰ পৰা দেশৰ উদ্যোগপতিৰ লৈকে সকলো শপতগ্ৰহণ অনুষ্ঠানত ভাগ ল’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
