কি ভিটামিনৰ অভাৱত মহিলাৰ বগাস্ৰাৱ হয়? এই ক্ষৰণ কিয় দুশ্চিন্তাৰ কাৰণ? কি কয় চিকিৎসকে?

বহুক্ষেত্ৰত বগা স্ৰাৱ সম্পূৰ্ণ স্বাভাৱিক আৰু ই আপোনাৰ শৰীৰক পৰিষ্কাৰ ৰখাৰ এটা উপায় মাত্ৰ৷ স্ত্ৰীৰোগ বিশেষজ্ঞই জনোৱা অনুসৰি এনে সময় আহে যেতিয়া ইয়াৰ গঠন বা গোন্ধৰ পৰিবৰ্তনে অন্য কিছু ইংগিতো দিব পাৰে৷ মহিলাসকলৰ বাবে এই কথা জনাটো খুবেই জৰুৰী যে কেতিয়া এই বগাস্ৰাৱ স্বাস্থ্যকৰ আৰু কেতিয়াৰ ইয়াক মনোযোগ দিয়াটো প্ৰয়োজন৷

স্বাভাৱিক স্ৰাৱ স্বচ্ছ বগা হয় আৰু ইয়াত কোনো তীব্ৰ গোন্ধ নাথাকে৷ পাতন গোন্ধ থাকিলে সমস্যা নাই৷ কিন্তু যদি ই দুৰ্গন্ধযুক্ত বা মাছৰ দৰে গোন্ধযুক্ত হয় তেতিয়া এয়া বিপদৰ সংকেত৷ অভ্যুলেছন, গৰ্ভাৱস্থা বা যৌন উত্তেজনাৰ সময়ত স্ৰাৱ বাহিৰ হব পাৰে৷ কিন্তু মূল বিষয় হৈছে ইয়াৰ পৰিষ্কাৰ আৰু স্বাভাৱিক গঠন৷ মাহিলী ঋতুচক্ৰৰ মাজভাগত শৰীৰৰ পৰা এনে বগাস্ৰাৱ বাহিৰ হোৱাটো স্বাভাৱিক৷ কণীৰ বগা অংশৰ দৰে ঘনত্বৰ স্ৰাব বাহিৰ হোৱা মানে আপোনাৰ শৰীৰৰ অভ্যুলেশ্বনৰ ইংগিত৷

ঘন বগা, গোটা বন্ধা বগা স্ৰাৱ ইষ্ট সংক্ৰমণৰ লক্ষণ হ’ব পাৰে৷ যদি আপোনাৰ স্ৰাৱ গোটাবন্ধা হয় ইয়াৰ সৈতে খজুৱতি বা জ্বলাপোৰা থাকে তেতিয়া ই কেণ্ডিডিয়াচিছ হ’ব পাৰে৷ ইষ্ট সংক্ৰমণ এক সাধাৰণ সমস্যা৷ ইয়াৰ বাবে সঠিক চিকিৎসাৰ প্ৰয়োজন৷

ই এক যৌনবাহিক সংক্ৰমণৰ লক্ষণ হ’ব পাৰে৷ বিশেষকৈ যদি ইয়াৰ সৈতে তীব্ৰ দুৰ্গন্ধ বা জ্বলাভাৱ থাকে৷ সঠিক ৰোগ নিৰ্ণয় আৰু সময়মতে চিকিৎসাৰ বাবে ডাক্তৰী পৰীক্ষা অপৰিহাৰ্য৷ বিষ, খজুৱতি, জ্বলাপোৰা হ’লে আপুনি চিকিৎসকৰ পৰামৰ্শ লওক৷ প্ৰস্ৰাৱ বা যৌন মিলনৰ সময়ত অস্বস্তি হলে কিংবা সাধাৰণ অস্বস্তি থাকিলে চিকিৎসকৰ পৰামৰ্শ লোৱাটোৱেই শ্ৰেয়৷