দীৰ্ঘদিনীয়া কাহ, বদহজমত ভুগিছে নেকি? হ’ব পাৰে ভয়ংকৰ ৰোগৰ লক্ষণ

ভাৰতত প্ৰতি বছৰে দ্ৰুতগতিত বৃদ্ধি পাইছে কৰ্কট ৰোগ। নেশ্যনেল ইনষ্টিটিউট ফৰ কেন্সাৰ প্ৰিভেনচন এণ্ড ৰিচাৰ্চ (NICPR)ৰ তথ্য অনুসৰি প্ৰতি বছৰে ১৪ লাখৰ পৰা ১৬ লাখ নতুন ক’ৰ’না আক্ৰান্ত ধৰা পৰে। তেজ, হাওঁফাওঁ, মুখৰ কৰ্কট ৰোগত আক্ৰান্ত হয়। তদুপৰি খাদ্যাভ্যাস বেয়া আৰু অস্বাস্থ্যকৰ জীৱনশৈলীৰ বাবেও পেটৰ কৰ্কট ৰোগ বৃদ্ধি পাইছে। আপুনি জানেনে যে আমাৰ শৰীৰে বহুতো সংকেত নিৰ্গত কৰে যিবোৰ কেন্সাৰৰ সৈতে জড়িত হ’ব পাৰে? এইবোৰক আওকাণ কৰিলে পিছলৈ আপুনি ভয়ংকৰ বিপদত পৰিব পাৰে।

শৰীৰৰ কেনেধৰণৰ সংকেত কেন্সাৰৰ লক্ষণ হ’ব পাৰে?

আচলতে কেন্সাৰৰ প্ৰাৰম্ভিক লক্ষণবোৰ প্ৰায়ে ইমানেই সাধাৰণ যে প্ৰায়ভাগ মানুহে গেছ, সংক্ৰমণ, চৰ্দি বা বয়সৰ লগত জড়িত সমস্যা বুলি উলাই কৰে। কিন্তু আগতীয়াকৈ ধৰা নপৰিলে কেন্সাৰ সমগ্ৰ শৰীৰত বিয়পিব পাৰে, যাৰ ফলত চিকিৎসা কঠিন হৈ পৰে। শৰীৰত পুনৰ দেখা দিয়া নিম্নোক্ত কিছুমান সমস্যা হ’ব পাৰে কেন্সাৰৰ লক্ষণ
অন্ত্ৰ বা প্ৰস্ৰাৱৰ অভ্যাসৰ পৰিৱৰ্তন
যদি কোষ্ঠকাঠিন্য, ডায়েৰিয়া, সঘনাই প্ৰস্ৰাৱ কৰা বা প্ৰস্ৰাৱৰ অভ্যাসৰ পৰিৱৰ্তন দীৰ্ঘদিন ধৰি থাকে, তেন্তে সেয়া কেৱল খাদ্যৰ সমস্যা নহয়। কিছুমান ক্ষেত্ৰত ই অন্ত্ৰ বা প্ৰস্ৰাৱ নলীৰ কৰ্কট ৰোগৰ লক্ষণো হ’ব পাৰে।
শৰীৰৰ ঘাঁ বহু দিনলৈ ভাল নোহোৱা
ছালৰ ঘাঁ, মুখৰ আলচাৰ বা আন ঘাঁ যিবোৰ বহু দিনলৈ ভাল হোৱা নাই, এই লক্ষণবোৰক সহজভাৱে ল’ব নালাগে। ই ছাল বা মুখৰ কৰ্কট ৰোগৰ প্ৰাৰম্ভিক লক্ষণ হ’ব পাৰে।
অস্বাভাৱিক ৰ*ক্তক্ষৰণ বা স্ৰাৱ
তে*জ কাহ, মলত তে*জ বা মহিলাৰ অস্বাভাৱিক ৰক্তক্ষৰণ আদি সমস্যা গুৰুতৰ লক্ষণ হ’ব পাৰে। বিশেষজ্ঞসকলে এনে ক্ষেত্ৰত তাৎক্ষণিক মূল্যায়নৰ পৰামৰ্শ দিয়ে।
শৰীৰত গোট বা ফুলা
স্তন, অণ্ডকোষ, ডিঙি বা শৰীৰৰ আন কোনো অংশত নতুনকৈ গোট বা ঘন হোৱা লক্ষ্য কৰিলে চিকিৎসকৰ পৰামৰ্শ লোৱাটো গুৰুত্বপূৰ্ণ। আৰম্ভণিতে কেন্সাৰ হোৱা গোটবোৰ প্ৰায়ে বিষহীন হয়, গতিকে বিষৰ অনুপস্থিতি নিৰাপত্তাৰ লক্ষণ নহয়।
দীৰ্ঘদিনীয়া বদহজম বা গিলিবলৈ অসুবিধা
সঘনাই বদহজম হোৱা, পূৰ্ণতা অনুভৱ কৰা বা খাদ্য গিলিবলৈ অসুবিধা হোৱাটো প্ৰায়ে এচিডিটি বুলি ভুল কৰা হয়। অৱশ্যে ই পেট বা খাদ্যনলীৰ কৰ্কট ৰোগৰ লক্ষণো হ’ব পাৰে।
স্থায়ী কাহ বা হুৰহুৰাই হোৱা
যদি কাহ কেইবা সপ্তাহ ধৰি থাকে বা মাত সলনি হয় তেন্তে পৰীক্ষা কৰাটো গুৰুত্বপূৰ্ণ। চিকিৎসকৰ মতে এয়া হাওঁফাওঁ, ডিঙি বা থাইৰয়ড কেন্সাৰৰ লক্ষণ হ’ব পাৰে।
সময়মতে পৰীক্ষা কৰিলে জীৱন ৰক্ষা কৰিব পাৰি
অভিজ্ঞ চিকিৎসকৰ মতে বেছিভাগ ক্ষেত্ৰতে কৰ্কট ৰোগ আগতীয়াকৈ ধৰা পৰিলে চিকিৎসাৰ বিকল্প বৃদ্ধি পায় আৰু ৰোগীৰ আৰোগ্য লাভৰ সম্ভাৱনা যথেষ্ট বৃদ্ধি পায়। গতিকে শৰীৰৰ কোনো অস্বাভাৱিক পৰিৱৰ্তনক আওকাণ নকৰিব আৰু প্ৰয়োজন হ’লে চিকিৎসকৰ পৰামৰ্শ ল’ব।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ