আজিৰ সময়ত বলিউডত বহু অভিনেত্ৰীয়ে অভিনেতাসকলৰ সমান, আনকি কেতিয়াবা তাতোকৈ অধিক পাৰিশ্ৰমিক লাভ কৰে। দীপিকা পাডুকোন আৰু কংগনা ৰাণাউটৰ দৰে অভিনেত্ৰীসকলে উচ্চ পাৰিশ্ৰমিক লোৱাৰ বাবে বিশেষভাৱে চৰ্চিত। কিন্তু ১৯৭০ আৰু ১৯৮০ দশকতো এনে কেইগৰাকীমান অভিনেত্ৰী আছিল, যিসকলে সেই সময়ৰ মান অনুসৰি অত্যন্ত উচ্চ পাৰিশ্ৰমিক লাভ কৰিছিল। শেহতীয়াকৈ বলিউডৰ ‘ড্ৰীমগাৰ্ল’ হেমা মালিনীয়ে এক সাক্ষাৎকাৰত কৈছে যে, তেওঁ নিজৰ সময়ত অন্যান্য শীৰ্ষ অভিনেত্ৰীৰ তুলনাত যথেষ্ট কম পাৰিশ্ৰমিক লাভ কৰিছিল। এই মন্তব্যৰ পিছতে বহুতে জানিবলৈ আগ্ৰহী হৈছে—যদি হেমা মালিনী নহয়, তেন্তে ৭০–৮০ দশকৰ আটাইতকৈ বেছি পাৰিশ্ৰমিক লাভ কৰা অভিনেত্ৰী কোন আছিল?
৭০ দশকৰ আটাইতকৈ দামী অভিনেত্ৰী
১৯৭০ দশকত বলিউডৰ শীৰ্ষ অভিনেত্ৰীসকলৰ ভিতৰত ৰেখা, জয়া বচ্চন, হেমা মালিনী আৰু ছায়ৰা বানোৰ নাম বিশেষভাৱে উল্লেখযোগ্য আছিল। কিন্তু বিভিন্ন প্ৰতিবেদন অনুসৰি, সেই সময়ত আটাইতকৈ বেছি পাৰিশ্ৰমিক লাভ কৰিছিল মুমতাজে।
কোৱা হয়, তেওঁ এখন ছবিৰ বাবে প্ৰায় ৭.৫ লাখ টকালৈকে পাৰিশ্ৰমিক ল’ব পাৰিছিল, যিটো সেই সময়ৰ তুলনাত বিশাল পৰিমানৰ পাৰিশ্ৰমিক আছিল। ইয়াৰ উপৰিও পৰবীন ববী আৰু মৌছুমী চেটাৰ্জীও সেই সময়ৰ উচ্চ পাৰিশ্ৰমিক লাভ কৰা অভিনেত্ৰীসকলৰ ভিতৰত অন্যতম আছিল।
হেমা মালিনীৰ পাৰিশ্ৰমিক কিমান আছিল?
‘ড্ৰীমগাৰ্ল’ নামেৰে জনাজাত হেমা মালিনী ৭০ আৰু ৮০ দশকৰ অন্যতম জনপ্ৰিয় অভিনেত্ৰী আছিল। যদিও তেওঁ নিজে কেতিয়াও নিজৰ পাৰিশ্ৰমিকৰ সঠিক অংক প্ৰকাশ কৰা নাছিল, তথাপিও বিভিন্ন প্ৰতিবেদন অনুসৰি, তেওঁ এখন ছবিৰ বাবে প্ৰায় ৫ লাখ টকা পাৰিশ্ৰমিক লাভ কৰিছিল।
৮০ দশকত জয়া প্ৰদাৰ উত্থান
১৯৮০ দশকত জয়া প্ৰদাই নিজৰ অভিনয় আৰু জনপ্ৰিয়তাৰ জৰিয়তে বলীউডত এক বিশেষ স্থান দখল কৰিছিল। তেওঁ সেই সময়ৰ শীৰ্ষ অভিনেতাসকলৰ সৈতে একাধিক সফল ছবিত অভিনয় কৰিছিল।
বিভিন্ন প্ৰতিবেদন অনুসৰি, তেওঁ এখন ছবিৰ বাবে ১০ লাখৰ পৰা ২৫ লাখ টকালৈকে পাৰিশ্ৰমিক লাভ কৰিছিল।
শীৰ্ষস্থানত আছিল শ্ৰীদেৱী
৮০ দশকৰ কথা আহিলেই শ্ৰীদেৱীৰ নাম প্ৰথমেই মনলৈ আহে। নিজৰ অসাধাৰণ অভিনয়, নৃত্য আৰু তাৰকাখ্যাতিৰ জৰিয়তে তেওঁ বলীউডত এক সুকীয়া স্থান গঢ়ি তুলিছিল। প্ৰতিবেদন অনুসৰি, তেওঁ এখন ছবিৰ বাবে ১ কোটি টকালৈকে পাৰিশ্ৰমিক লাভ কৰিছিল, যিটো সেই সময়ত এক ঐতিহাসিক অংক হিচাপে গণ্য কৰা হৈছিল।
শ্ৰীদেৱীৰ এই অভূতপূৰ্ব পাৰিশ্ৰমিকৰ পিছতেই বলীউডত অভিনেত্ৰীসকলৰ পাৰিশ্ৰমিকক নতুন দৃষ্টিভংগীৰে চাবলৈ আৰম্ভ কৰা হয়। তেওঁৰ সফলতাই প্ৰমাণ কৰিছিল যে, এগৰাকী অভিনেত্ৰীও এগৰাকী শীৰ্ষ অভিনেতাৰ সমান বা তাতোকৈ অধিক মূল্য লাভ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
