বৰষুণকালত আর্দ্ৰতা, গৰম আৰু ধূলি-মাকলিৰ বাবে মুখমণ্ডল প্ৰায়ে নিষ্প্ৰভ হোৱা দেখা যায়। কেৱল ফেচ ৱাশ্বেৰে মুখ ধুলেই মুখমণ্ডল সম্পূৰ্ণভাৱে পৰিষ্কাৰ হয় বুলি ক’ব নোৱাৰি। সেয়েহে নিয়মিত স্ক্ৰাবিং কৰিলে মুখমণ্ডল বা ত্বকৰ গভীৰতালৈকে পৰিষ্কাৰ হয় আৰু স্বাভাৱিক উজ্জ্বলতা ঘূৰি আহে।
বৰষুণকালত কিয় স্ক্ৰাবিঙৰ প্ৰয়োজন?
আর্দ্ৰতা আৰু ঘামৰ বাবে এই সময়ত ত্বকৰ ৰোমছিদ্ৰ (প’ৰছ) সহজে বন্ধ হৈ যায়। সময়মতে মুখ পৰিষ্কাৰ নকৰিলে ত্বক নিষ্প্ৰভ দেখাবলৈ আৰম্ভ কৰে। স্ক্ৰাবিং বা এক্সফ’লিয়েচনৰ জৰিয়তে মৃত কোষ আঁতৰাই ত্বকক সতেজ কৰি ৰাখিব পাৰি।
স্ক্ৰাবিঙৰ উপকাৰিতা
স্ক্ৰাবিঙে ত্বকৰ মৃত কোষ (Dead Cells) আঁতৰায়। ত্বক বা মুখমণ্ডলৰ কোনো ক্ষতি নকৰাকৈ গভীৰভাৱে পৰিষ্কাৰ কৰে। অতিৰিক্ত চেবাম (Sebum) উৎপাদন নিয়ন্ত্ৰণত সহায় কৰে। এণ্টিবেক্টেৰিয়েল গুণৰ বাবে ব্রণ আৰু পিম্পলছ কম হোৱাত সহায় কৰে।
১. কফি আৰু নাৰিকল তেল
ত্বক এক্সফ’লিয়েট কৰিবলৈ আধা চামুচ কফিৰ গুড়িৰ সৈতে দুই চামুচ নাৰিকল তেল মিহলাই লওক। তাৰ পিছত মুখত হালধীয়াকৈ স্ক্ৰাব কৰক। বৰষুণকালত নাৰিকল তেলে ত্বক স্বাভাৱিকভাৱে ময়েশ্বাৰাইজ কৰি ৰাখে।
২. নিমৰ ৰসৰ স্ক্ৰাব
যিসকলৰ ত্বক তেলীয়া বা ব্রণৰ সমস্যা আছে, তেওঁলোকৰ বাবে এই স্ক্ৰাব উপযোগী। নিমৰ ৰসৰ সৈতে অলপ মৌ আৰু সামান্য কফিৰ গুড়ি মিহলাই স্ক্ৰাব তৈয়াৰ কৰক। নিমে বেক্টেৰিয়াৰ প্ৰভাৱ কমায় আৰু মৌয়ে ত্বক কোমল কৰি ৰাখে।
৩. ওটছ আৰু দৈ
ঘৰতে সহজে স্ক্ৰাব বনাবলৈ এক চামুচ ওটছৰ গুড়িৰ সৈতে প্ৰয়োজনমতে দৈ মিহলাই লওক। ইয়াৰে মুখত কোমলভাৱে স্ক্ৰাব কৰক। ই মৃত কোষ আঁতৰোৱাৰ লগতে ত্বক আৰ্দ্ৰ (ময়েশ্বাৰাইজড) কৰি ৰাখে।
৪. চাউলৰ গুড়ি আৰু এলোভেৰা
কোৰিয়ান সৌন্দৰ্যচৰ্যাৰ এটা জনপ্ৰিয় উপায় হৈছে চাউলৰ ব্যৱহাৰ। এক চামুচ চাউলৰ গুড়িৰ সৈতে দুই চামুচ এলোভেৰা জেল মিহলাই মুখত লগাই হালধীয়াকৈ মালিচ কৰক। তেলীয়া ত্বকৰ বাবে এই উপায় বিশেষভাৱে উপকাৰী। ইয়াত গোলাপ জল মিহলালে আৰু অধিক লাভ পাব পাৰে।
৫. মচুৰ দাইল আৰু গাখীৰ
মচুৰ দাইল পানীত তিয়াই অলপ দানাদাৰকৈ পিচি লওক। তাৰ পিছত তাত গাখীৰ মিহলাই পেষ্ট তৈয়াৰ কৰক। এই পেষ্ট মুখত লগাই কোমলভাৱে স্ক্ৰাব কৰক। ই মৃত কোষ আঁতৰোৱাৰ লগতে ছানটেন (Tanning) কমোৱাতো সহায় কৰে।
সাৱধানতা: সপ্তাহত ১–২ বাৰ স্ক্ৰাব কৰাই যথেষ্ট। অত্যধিক জোৰেৰে স্ক্ৰাব নকৰিব। যদি ত্বক অতিসংবেদনশীল হয় বা কোনো ত্বকৰ ৰোগ থাকে, তেন্তে নতুন কোনো ঘৰুৱা উপায় ব্যৱহাৰ কৰাৰ আগতে চাৰ্মৰোগ বিশেষজ্ঞৰ পৰামৰ্শ লোৱাটো ভাল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
