সমগ্ৰ বিশ্বৰ ফুটবল অনুৰাগীসকলৰ বাবে প্ৰত্যাশিত সেই মেচখনলৈ মাজত আৰু মাথোঁ দুটা দিন। আমেৰিকাৰ নিউ জাৰ্ছী ক্ৰিকেট ষ্টেডিয়ামত ভাৰতীয় সময় মতে ২০ জুলাইৰ নিশা ১২.৩০ বজাৰ লগে লগে ৰেফাৰি শ্লাভকো ভিনচিচৰ হুইছেল বজাৰ লগে লগে টুৰ্ণামেণ্টখনৰ চূড়ান্ত খেলখনৰ আৰম্ভণি ঘটিব, সমান্তৰালভাৱে বিশ্বজয়ৰ স্বপ্নত নিজৰ সৰ্বস্ব উজাৰি দিব স্পেইন আৰু ডিভেণ্ডিং চেম্পিয়ন আৰ্জেণ্টিনাই। ফিফা বিশ্বকাপ বিশ্বৰ সৰ্ববৃহৎ ক্ৰীড়া অনুষ্ঠান। গতিকে স্বাভাৱিকতে টুৰ্নামেণ্টখনৰ সামৰণি অনুষ্ঠানো হব সম্পূৰ্ণ জাক-জামকতাৰে ভৰা।
আৰ্জেণ্টিনা আৰু স্পেইনৰ মাজত হ’ব লগা এই মহাৰণৰ ওপৰত সমগ্ৰ বিশ্বৰ ফুটবলপ্ৰেমীৰ দৃষ্টি নিবদ্ধ হৈ আছে। এনে এখন হাই-ভল্টেজ ফাইনেল সংগীত আৰু নৃত্যৰ আয়োজন অবিহনে সম্পূৰ্ণ হব জানো। সেইবাবে ফিফা বিশ্বকাপ ২০২৬ৰ সামৰণি অনুষ্ঠানত বিশ্বৰ খ্যাতনামা শিল্পীৰে ভৰি পৰিব নিউ জাৰ্ছী ষ্টেডিয়াম।
যদিও মেচখন নিশা ১১ বজাৰ পৰা আৰম্ভ হ’ব, উদযাপন আৰম্ভ হ’ব সন্ধিয়া ৯:৩০ বজাৰ পৰাই। এইবাৰৰ বিশ্বকাপ ৪৮টা দলে অংশগ্ৰহণ কৰা এক বৃহৎ প্ৰতিযোগিতা আছিল। আমেৰিকা, কানাডা আৰু মেক্সিকোৱে যৌথভাৱে এই প্ৰতিযোগিতাৰ আয়োজক দেশ হিচাপে দায়িত্ব গ্ৰহণ কৰিছিল আৰু মুঠ ১৬খন চহৰত খেলসমূহ অনুষ্ঠিত হয়।
সামৰণি অনুষ্ঠানত কোন কোন থাকিব?
ফাইনেল খেল আৰম্ভ হোৱাৰ আগে আগে আৰু হাফটাইমত বহু বিশ্ববিখ্যাত শিল্পীয়ে পৰিৱেশন কৰিব গান আৰু নৃত্য। সামৰণি অনুষ্ঠানৰ মুখ্য শিল্পী হিচাপে থাকিব পোষ্ট মেলোন। আনহাতে জেনিফাৰ হাডছনে ৰাষ্ট্ৰীয় সংগীত পৰিবেশন কৰিব। হাফটাইম অনুষ্ঠানত জাষ্টিন বিবাৰ, মাডোনা, ছাকিৰা, বাৰ্না বয়, বিটিএছ (BTS), ক্ৰিছ মাৰ্টিন আৰু ক’ল্ডপ্লেৰ লগতে গুস্তাভো ডুডামেলৰ দৰে জনপ্ৰিয় শিল্পীসকলে পৰিবেশন কৰিব গান। ইয়াৰ উপৰিও টম ক্ৰুজ, আইশ’ স্পিড (IShowSpeed), ৰবি উইলিয়ামছ, নিক’ল শ্বেৰ্জিংগাৰ আৰু ল’ৰা পাউচিনিৰ দৰে বহু খ্যাতনামা ব্যক্তিত্বয়ো মেচখন উপভোগ কৰা দেখা যাব পাৰে।
ভাৰতত কেতিয়া আৰু ক’ত চাব পাৰিব?
ফিফা বিশ্বকাপ ২০২৬ৰ ফাইনেল ১৯ জুলাই ২০২৬ তাৰিখে অনুষ্ঠিত হ’ব। ভাৰতীয় সময় অনুসৰি খেলখন ২০ জুলাইৰ নিশা ১২:৩০ বজাৰ পৰা আৰম্ভ হ’ব। দৰ্শকে টেলিভিছনত ডি ডি নেচনেল (DD National) আৰু ইউনাইটেড ৮ স্প’ৰ্টছ (United 8 Sports) চেনেলত খেলখন উপভোগ কৰিব পাৰিব। আনহাতে অনলাইনত বা অ’টিটি প্লেটফৰ্মত খেলখন ZEE5-ত লাইভ ষ্ট্ৰীমিংৰ জৰিয়তে চাব পাৰিব।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
