বাংলাদেশত জ্বলিছে হিংসাৰ জুই। দেশৰ আভ্যন্তৰীণ অশান্তিৰ বাবে ভাৰতক পৰোক্ষভাৱে জগৰীয়া কৰিছে প্ৰধানমন্ত্ৰী তাৰিক ৰহমানে। তেওঁৰ এই মন্তব্যৰ পৰিপ্ৰেক্ষিতত ভাৰতৰ বৈদেশিক পৰিক্ৰমা মন্ত্ৰালয়ে কৌশলগত স্থিতি গ্ৰহণ কৰিছে।
বাংলাদেশত আৱামী লীগৰ লকডাউন আৰু ইয়াক লৈ সৃষ্টি হোৱা অশান্তিৰ প্ৰতি সঁহাৰি জনাই বাংলাদেশৰ প্ৰধানমন্ত্ৰী তাৰিক ৰহমানে কয় যে, “সীমান্ত সিপাৰে পলায়ন কৰা দেশখনেই তেওঁলোকৰ ভগৱান। সেই ভগৱানক সন্তুষ্ট কৰিবলৈ তেওঁলোকে পুনৰবাৰ বাংলাদেশ আৰু দেশৰ জনসাধাৰণৰ বিৰুদ্ধে ষড়যন্ত্ৰ কৰি অশান্তিৰ সৃষ্টি কৰিবলৈ আৰম্ভ কৰিছে।”
তাৰিক ৰহমানৰ মন্তব্যৰ প্ৰতিক্ৰিয়া স্বৰূপে বৈদেশিক মন্ত্ৰালয়ৰ মুখপাত্ৰ ৰণধীৰ জয়ছৱালে এই বিষয়ত কোনো বিশেষ মন্তব্য দিব বিচৰা নাছিল। বাংলাদেশ সন্দৰ্ভত এক প্ৰশ্নৰ উত্তৰত তেওঁ কয় যে বাংলাদেশৰ আভ্যন্তৰীণ পৰিক্ৰমা সন্দৰ্ভত মই কোনো মন্তব্য নকৰো।
তেওঁ কয়, “এই বিষয়ত আমাৰ স্থিতি একেই। ভাৰতে বাংলাদেশৰ সৈতে ইতিবাচক আৰু গঠনমূলক সম্পৰ্ক বিচাৰে। এই সম্পৰ্ক দুয়োখন দেশৰ ইতিহাস আৰু সাংস্কৃতিক সম্পৰ্কৰ ওপৰত গঢ় লৈ উঠিছে।” একে সময়তে নতুন দিল্লীয়েও হাছিনাৰ পাছপ’ৰ্টৰ আবেদন সন্দৰ্ভত কোনো মন্তব্য দিবলৈ অনিচ্ছুক।
শ্বেইখ হাছিনাই বাংলাদেশলৈ উভতি যাবলৈ নতুন পাছপ’ৰ্টৰ বাবে আবেদন কৰিছিল। বাংলাদেশে সেই আবেদন নাকচ কৰিছে। প্ৰত্যাৰ্পণ চুক্তিৰ অধীনত হাছিনাক দেশলৈ উভতি যাবলৈ দাবী জনাইছে।
সূত্ৰ অনুসৰি, কেৱল বন্দী প্ৰত্যাৰ্পণ চুক্তিত হাছিনাক ঘূৰাই পঠোৱাৰ ক্ষেত্ৰত ঢাকাৰ অসাৰতাক দিল্লীয়ে সমগ্ৰ প্ৰক্ৰিয়াটো পিছুৱাই দিয়াৰ কৌশল হিচাপে লয়। বৈদেশিক পৰিক্ৰমা মন্ত্ৰালয়ৰ তথ্য অনুসৰি ভাৰতীয় কূটনীতিবিদসকলে বুজাই দিলে যে যিজন ব্যক্তিয়ে নিজৰ দেশলৈ উভতি যাব নিবিচাৰে তেওঁৰ ক্ষেত্ৰত প্ৰত্যাৰ্পণ প্ৰযোজ্য। নতুন দিল্লীৰ তথ্য অনুসৰি পৃথিৱীৰ যিকোনো ঠাইতে এজন ব্যক্তিৰ নিজৰ দেশলৈ উভতি যোৱাৰ অধিকাৰ আছে। প্ৰশ্ন উত্থাপন হয়, যিজন ব্যক্তিয়ে নিজৰ ইচ্ছামতে নিজৰ দেশলৈ ঘূৰি আহিব বিচাৰে তেওঁক প্ৰত্যাৰ্পণ চুক্তিৰ অধীনত কিয় ঘূৰাই দিয়া হ’ব?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ

















