৫০ বাৰকৈ প্ৰতিযোগিতামূলক পৰীক্ষাত ব্যৰ্থ ইঞ্জিনিয়াৰিঙৰ গোল্ড মেডেলিষ্ট ছাত্ৰৰ চ*ৰম সিদ্ধান্ত

ইলেক্ট্ৰিকেল ইঞ্জিনিয়াৰিঙত বি টেক সম্পূৰ্ণ কৰি সমগ্ৰ ৰাজ্যত তৃতীয় স্থান দখল কৰা এগৰাকী অতি মেধাৱী ছাত্ৰ। এই অসাধৰণ সফলতাৰ বাবে ৰাজ্যপালেও যাক সোণৰ পদকেৰে সন্মানিত কৰিছিল। কলেজীয়া জীৱনতো এই ছাত্ৰগৰাকীয়ে সকলো পৰীক্ষাতে লাভ কৰিছিল শীৰ্ষস্থান। কিন্তু ইমান মেধাসম্পন্ন হোৱাৰ পিছতো ৫০বাৰতকৈও অধিক চৰকাৰী চাকৰিৰ বাবে অনুষ্ঠিত প্ৰতিযোগিতামূলক পৰীক্ষাত বহি প্ৰতিবাৰেই ব্যৰ্থ হৈ ভাগি পৰিছিল মেধাৱী ছাত্ৰগৰাকীয়ে। ৫০ বাৰকৈ ব্যৰ্থতাৰে মোকাবিলা কৰি কৰি অৱশেষত মানসিকভাৱে ভাগি পৰি ছাত্ৰগৰাকীয়ে ললে চ*ৰম সিদ্ধান্ত। এই ঘটনা সংঘটিত হৈছে উত্তৰ প্ৰদেশৰ কানপুৰত। কানপুৰৰ গুজৈনী নিৱাসী এই মেধাসম্পন্ন দুৰ্ভগীয়া ছাত্ৰগৰাকীৰ নাম আনন্দ কুমাৰ। আনন্দ কুমাৰে ২০২৪ত PSIT কলেজৰ পৰা ইলেক্ট্ৰিকেল ইঞ্জিনিয়াৰিঙত বি টেক সম্পূৰ্ণ কৰি সমগ্ৰ উত্তৰ প্ৰদেশৰ ভিতৰতে দখল কৰিছিল তৃতীয় স্থান। কেৱল এয়াই নহয় শৈক্ষিক জীৱনত পোৱা এই কৃতকাৰ্যতাৰ বাবে উত্তৰ প্ৰদেশৰ ৰাজ্য়পাল আনন্দীবেন পেটেলৰ পৰাও লাভ কৰিছিল বিশেষ কৃতকাৰ্যতাৰ বঁটা।

৫০ বাৰকৈ লাভ কৰিছিল ব্যৰ্থতা

মৃ*ত্যুৰ সময়ত আনন্দ কুমাৰে এটা ব্যক্তিগত কোম্পানীত কৰ্মৰত আছিল যদিও তেওঁৰ লক্ষ্য আছিল চৰকাৰী চাকৰি। সেই সপোন পূৰণৰ বাবে তেওঁ বিগত ৩ বছৰত প্ৰায় ৫০বাৰ বিভিন্ন প্ৰতিযোগিতামূলক পৰীক্ষাত অৱতীৰ্ণ হৈছিল। কিন্তু প্ৰতিবাৰেই ব্যৰ্থ হোৱাৰ ফলত তেওঁ গভীৰ হতাশাত ভুগিবলৈ আৰম্ভ কৰে। অৱশেষত আনন্দ কুমাৰে চ*ৰম পন্থাৰ দৰে চূড়ান্ত সিদ্ধান্ত গ্ৰহণ কৰে। মৃ*ত্যুৰ পূৰ্বে এৰি যোৱা টোকাত তেওঁ লিখিছে—”মই ৫০বাৰ চৰকাৰী চাকৰিৰ বাবে চেষ্টা কৰিলোঁ, কিন্তু সফল হ’ব নোৱাৰিলোঁ। পাপা, মোক ক্ষমা কৰিব… ছ’ৰি।”

আনন্দৰ ভাতৃ-ভগ্নীয়ে লাভ কৰিছিল চৰকাৰী চাকৰি

আনন্দৰ জ্যেষ্ঠ ভাতৃ আৰু ভগ্নী বিহাৰত চৰকাৰী শিক্ষক হিচাপে কৰ্মৰত। তেওঁৰ পিতৃ এটা ব্যক্তিগত কোম্পানীৰ অৱসৰপ্ৰাপ্ত চাকৰিয়াল। ঘটনাৰ সময়ত পিতৃ-মাতৃ আৰু আন আত্মীয়সকল জ্যেষ্ঠ পুত্ৰৰ বিৱাহৰ সম্বন্ধ চূড়ান্ত কৰিবলৈ বিহাৰলৈ গৈছিল। পিছদিনা পুৱা ঘৰৰ কাম কৰা মহিলাগৰাকীয়ে বহু সময় ধৰি দুৱাৰত মাতিও কোনো সঁহাৰি নোপোৱাত আৰক্ষীক খবৰ দিয়ে। আৰক্ষীয়ে দুৱাৰ ভাঙি ভিতৰত সোমাই আনন্দৰ মৃ*তদেহ উদ্ধাৰ কৰে। খবৰ পাই পৰিয়ালৰ সদস্যসকল বিহাৰৰ পৰা কানপুৰলৈ উভতি আহে। আনন্দ কুমাৰৰ এই সিদান্তত সমগ্ৰ উত্তৰ প্ৰদেশতে শোকৰ ছাঁ পৰিছে।

এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ