কিমান সোণৰ অলংকাৰ আছে ধৰ্মেন্দ্ৰ প্ৰধানৰ পত্নীৰ? জানক সদ্য় পদত্যাগী শিক্ষামন্ত্ৰীজনৰ সম্পত্তিৰ পৰিমাণ

NEET 2026ৰ প্ৰশ্ন ফাদিলক লৈ চিজেপি আৰু শিক্ষাৰ্থীৰ প্ৰতিবাদৰ পিছতে আজি ধৰ্মেন্দ্ৰ প্ৰধানে শিক্ষামন্ত্ৰী আৰু কেন্দ্ৰীয় কেবিনেটৰ পৰা পদত্যাগ কৰে। প্ৰায় এমাহ ধৰি চিজেপিয়ে তেওঁৰ পদত্যাগৰ দাবীত প্ৰতিবাদ সাব্যস্ত কৰি আহিছিল। তেওঁলোকৰ সৈতে সমাজকৰ্মী সোণম ৱাংচুকেও ২৬ দিন অনশন কৰে। ফলস্বৰূপে ধৰ্মেন্দ্ৰ প্ৰধানৰ নাম বাতৰিৰ শিৰোনামত। দীৰ্ঘদিনীয়া ৰাজনৈতিক কৰ্মী ধৰ্মেন্দ্ৰ প্ৰধানে কিমান সঞ্চয় কৰিছে জানো আহক।

২০২৪ চনৰ লোকসভা নিৰ্বাচনৰ বাবে দাখিল কৰা নিৰ্বাচনী শপতনামা অনুসৰি ধৰ্মেন্দ্ৰ প্ৰধান আৰু তেওঁৰ পৰিয়ালৰ মুঠ ঘোষিত সম্পত্তিৰ পৰিমাণ প্ৰায় ৬.৯২ কোটি টকা। অৱশ্যে পৰিয়ালটোৰ দায়বদ্ধতাও আছে ৫৩.৩৮ লাখ টকা। ২০২২-২৩ বিত্তীয় বৰ্ষত ধৰ্মেন্দ্ৰ প্ৰধানৰ বাৰ্ষিক আয় ১২.৭৫ লাখ, আনহাতে পত্নী মৃদুলা ঠাকুৰৰ বাৰ্ষিক আয় ৪৯.৯২ লাখ টকা। অৰ্থাৎ তেওঁৰ পত্নীৰ উপাৰ্জনে পৰিয়ালটোৰ মুঠ আয়ত যথেষ্ট অৰিহণা যোগায়।

বেংক জমা ধন, মিউচুৱেল ফাণ্ড আৰু বীমাত বিনিয়োগ

ধৰ্মেন্দ্ৰ প্ৰধান আৰু তেওঁৰ পৰিয়ালে বেংক জমা ধন, মিউচুৱেল ফাণ্ড, বীমা পলিচীত বিনিয়োগ কৰিছে। ২০২৪ চনৰ শপতনামা অনুসৰি পৰিয়ালটোৰ বেংক একাউণ্ট, ফিক্সড ডিপ’জিট, আৰু পাব্লিক প্ৰভিডেণ্ট ফাণ্ডত মুঠ ২.৪৭ কোটি টকা (প্ৰায় ২.৪৭ বিলিয়ন ডলাৰ) আছিল। ইয়াৰ উপৰিও পৰিয়ালটোৱে মিউচুৱেল ফাণ্ডত ৮০.৪০ লাখ (প্ৰায় ৮.০৪ মিলিয়ন ডলাৰ) টকা বিনিয়োগ কৰিছে। বিভিন্ন বীমা পলিচিত তেওঁলোকৰ মুঠ বিনিয়োগৰ পৰিমাণ ৬৭.৭২ লাখ (প্ৰায় ৬.৭৭ বিলিয়ন ডলাৰ)টকা।

ওড়িশা আৰু দিল্লী-এনচিআৰত সম্পত্তি

ধৰ্মেন্দ্ৰ প্ৰধানৰ ওড়িশা আৰু দিল্লী-এনচিআৰ অঞ্চলত কেইবাটাও স্থাৱৰ সম্পত্তি আছে। শপতনামা অনুসৰি তেওঁৰ ওড়িশাত ১২ লাখ টকাৰ কৃষিভূমি আৰু ২০.৫০ লাখ টকাৰ অকৃষিভূমি আছে। ইয়াৰ উপৰিও ধৰ্মেন্দ্ৰ প্ৰধান আৰু তেওঁৰ পত্নীয়ে ২০২৪ চনৰ মূল্যায়ন অনুসৰি প্ৰায় ১.৯৮ কোটি টকাৰ আৱাসিক সম্পত্তিৰ মালিক। ইয়াৰ ভিতৰত উত্তৰ প্ৰদেশৰ গাজিয়াবাদৰ এটা ফ্লেট, ওড়িশাৰ ভুৱনেশ্বৰত এটা ঘৰ আছে।

গাড়ী, সোণ আৰু ৰূপ

২০১১ চনৰ এখন হোণ্ডা চিটি গাড়ী ধৰ্মেন্দ্ৰ প্ৰধানৰ নামত পঞ্জীয়ন কৰা হৈছে। তেওঁৰ পত্নীৰ নামত কেইবাখনো বাণিজ্যিক বাহন পঞ্জীয়ন কৰা হৈছে। সোণ-ৰূপৰ সন্দৰ্ভত ধৰ্মেন্দ্ৰ প্ৰধানৰ হাতত আছে ২০০ গ্ৰাম সোণ আৰু ২.৫ কিলোগ্ৰাম ৰূপ। তেওঁৰ পত্নীৰ হাতত আছে ৫০০ গ্ৰাম সোণ আৰু ১০ কিলোগ্ৰাম ৰূপ। ২০২৪ চনৰ শপতনামা অনুসৰি পঞ্জাৱ নেচনেল বেংক (পিএনবি) আৰু আইডিবিআই বেংকৰ পৰা ধৰ্মেন্দ্ৰ প্ৰধানৰ মুঠ ঋণ ৩১.৩৮ লাখ টকা।

ধনী নেতাৰ ভিতৰত ধৰ্মেন্দ্ৰ প্ৰধান

১৯৬৯ চনৰ ২৬ জুনত ওড়িশাৰ টালচেৰত জন্মগ্ৰহণ কৰিছিল ধৰ্মেন্দ্ৰ প্ৰধানে। তেওঁ বিজেপিৰ জ্যেষ্ঠ নেতা। তেওঁৰ পিতৃ ড০ দেৱেন্দ্ৰ প্ৰধানো আছিল বিজেপিৰ এজন বিশিষ্ট নেতা। প্ৰাক্তন প্ৰধানমন্ত্ৰী অটল বিহাৰী বাজপেয়ীৰ চৰকাৰত কেন্দ্ৰীয় ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল। প্ৰশ্নকাকত ফাদিলৰ বিতৰ্কৰ মাজতে ৰাজনৈতিক চৰ্চাত অব্যাহত আছে ধৰ্মেন্দ্ৰ প্ৰধান।

(এই প্ৰতিবেদন যুগুতাইছে বৰষা মিশ্ৰই)

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ