দাঁতৰ বিষে যথেষ্ঠ কষ্ট দিয়ে। দাঁত ক্ষয়, সংক্ৰমণ, দাঁতৰ স্নায়ুৰ সমস্যাৰ বাবে দাঁতৰ বিষ হ’ব পাৰে। বিষৰ প্ৰকৃত কাৰণ অনুসৰি চিকিৎসা ভিন্ন হয়, কিন্তু চিকিৎসকৰ ওচৰলৈ যোৱাৰ পূৰ্বে কিছুমান ঘৰুৱা উপায়ে সাময়িক উপশম দিব পাৰে।
ঘৰুৱা উপায়
কুহুমীয়া নিমখীয়া পানীৰে গাৰ্গল কৰক
এগিলাচ কুহুমীয়া পানীত আধা চামুচ নিমখ মিহলাই ৩০ ছেকেণ্ডমান গাৰ্গল কৰক। ই মুখৰ ভিতৰৰ বেক্টেৰিয়া কিছু পৰিমাণে কমোৱাত সহায় কৰিব পাৰে।
ঠাণ্ডা সেক দিয়ক
যদি গাল ফুলি থাকে বা আঘাতৰ বাবে বিষ হৈছে, তেন্তে গালৰ বাহিৰৰ ফালে কাপোৰত মেৰিয়াই আইচ পেক ১০–১৫ মিনিট ধৰি ৰাখিব পাৰে। এইদৰে ফুলি থকা আৰু বিষ কিছু কমিব পাৰে।
মুখ পৰিষ্কাৰ কৰি ৰাখক
খাদ্যৰ সৰু অংশ দাঁতৰ মাজত আবদ্ধ হৈ থাকিলে বিষ বাঢ়িব পাৰে। নৰম ব্ৰাছ আৰু ডেণ্টেল ফ্লছ ব্যৱহাৰ কৰি দাঁত পৰিষ্কাৰ কৰক।
অতি গৰম বা অতি ঠাণ্ডা খাদ্য এৰাই চলক
সংবেদনশীল দাঁত থাকিলে এইধৰণৰ খাদ্য-পানীয়ে বিষ বৃদ্ধি কৰিব পাৰে। কোমল আৰু কুহুমীয়া খাদ্য খোৱাটো ভাল।
কি নকৰিব?
- বিষ হোৱা দাঁতৰ ওপৰত অতিমাত্ৰা চাপ নিদিব।
- ধূমপান আৰু অতিমাত্ৰা মিঠা খাদ্য পৰিহাৰ কৰক।
- চিকিৎসকৰ পৰামৰ্শ নোহোৱাকৈ এণ্টিবায়’টিক আৰম্ভ নকৰিব।
কেতিয়া তৎক্ষণাত দন্ত চিকিৎসকৰ ওচৰলৈ যাব?
- দাঁতৰ বিষ ১–২ দিনতকৈ অধিক সময় ধৰি থাকে।
- মুখ বা গাল বেছিকৈ ফুলে।
- জ্বৰ, পুঁজ ওলোৱা বা মুখ মেলিবলৈ কষ্ট হয়।
- দাঁত ভাঙি যায় বা দুৰ্ঘটনাত আঘাত পায়।
- বিষ ইমান বেছি হয় যে খোৱা বা শুব নোৱাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
