Asom Live24ত সম্প্ৰচাৰিত হোৱা এটা সাক্ষাৎকাৰৰ পিছতে মডেল লিচা বৰা এতিয়া চৰ্চাৰ শীৰ্ষত আছে। সাক্ষাৎকাৰটোত মডেল লিচা বৰাই মন্ত্ৰী, MLAৰ নাম লৈ একাংশ দুষ্টচক্ৰই তেওঁলৈ ফোন কৰা বুলি উল্লেখ কৰিছিল। মডেলগৰাকীৰ অভিযোগ অনুসৰি ইয়াৰ পিছতে কেৱল মাত্ৰ TRP আৰু Viewsৰ বাবে ছ’চিয়েল মিডিয়াৰ একাংশ প’ৰ্টেলে অনুমতি অবিহনে মডেল লিচা বৰাৰ ফটো, ভিডিঅ’ ব্যৱহাৰ কৰি মডেলগৰাকীৰ সাক্ষাৎকাৰটোৰ অপবাখ্যা কৰিছে। যাৰ ফলত এতিয়া মানসিকভাৱে ভাগি পৰিছে মডেল লিচা বৰা। Asom Live24ক আন এটা সাক্ষাৎকাৰৰ জৰিয়তে এই কথা সদৰী কৰে মডেলগৰাকীয়ে।
পূৰ্বৰ সাক্ষাৎকাৰটোত লিচা বৰাই কৈছিল যে মন্ত্ৰী-বিধায়কৰ নামত তেওঁলৈ এটা ফোন কল আহিছিল। ফোন কলটোত অপৰিচিত ব্যক্তিজনে লিচা বৰাক Dance কৰা আৰু Drinks কৰা ছোৱালী লাগে বুলি কৈছিল, যাৰ বিনিময় ৮০,০০০ টকা দিব বুলি কোৱা হৈছিল । তেতিয়া লিচা বৰাই সেই অপৰিচিত কলটোত কৈছিল যে কোনো যৌ*ন কামৰ বাবে যদি কাৰোবাক লাগে তেন্তে S*ex worker বিচাৰক। সাক্ষাৎকাৰটো উল্লেখ কৰা মতে মডেলগৰাকীৰ সন্দেহ আছিল যে সেইজন মন্ত্ৰী নাছিল । কোনো দুষ্টচক্ৰই মন্ত্ৰীৰ নামত বদমাচি কৰিছিল। কেৱল সেয়াই নহয়, জনপ্ৰিয় কণ্ঠশিল্পীৰ পৰাও তেওঁ ‘বিশেষ অফাৰ’ পোৱাৰ কথা উল্লেখ কৰিছিল। তেওঁক জনপ্ৰিয় গায়কেও Homestay লৈ মাতিছিল মিউজিক এলবামত কাম দিয়াৰ প্ৰলোভনেৰে। এই বাৰ্তালাপত মডেলগৰাকীয়ে মডেলিং জগতৰ বহু আচৰিত কাহিনীৰ বিষয়েও উল্লেখ কৰে। ইয়াৰ লগতে কিদৰে একাংশই প্ৰথমে টকাৰ লোভ তাৰ পিছত কম্প্ৰোমাইজ কৰাৰ অফাৰ দিয়ে সেয়াও জনায়।
যথেষ্ট সমালোচনা, কটাক্ষৰ সন্মুখীন হৈ মানসিকভাৱে ভাগি পৰা মডেলগৰাকীয়ে পুনৰ এবাৰ Asom Live24লৈ আহি দিয়ে স্পষ্টীকৰণ। নতুন সাক্ষাতকাৰটোত লিচা বৰাই কয়-কোনো মন্ত্ৰী, MLA-ই প্ৰত্যক্ষভাৱে তেওঁলৈ ফোন কৰা নাছিল, মন্ত্ৰী, MLAৰ নাম লৈ দুষ্টচক্ৰইহে মডেলগৰাকীলৈ ফোন কৰিছিল। মডেলগৰাকীয়ে লগতে কয়-Asom Live24ত মই সাক্ষাৎকাৰটো দিছিলো। Asom Live24ত মোৰ কথাখিনি সুন্দৰকৈ প্ৰচাৰ কৰিছে। কিন্তু মোৰ সেই সাক্ষাৎকাৰটোৰ কেৱল মাত্ৰ কিছু অংশ ব্যৱহাৰ কৰি ছ’চিয়েল মিডিয়াত বিভিন্ন পৰ্টেল তথা ব্যক্তিগত ব্যৱহাৰকাৰীয়ে অপপ্ৰচাৰ কৰিছে। মোৰ অনুমতি নোহোৱাকৈ মোৰ ফটো-ভিডিঅ’ ব্যৱহাৰ কৰা হৈছে। লগতে এনে কাম পুনৰ নকৰিবলৈও সকলোকে অনুৰোধ মডেলগৰাকীৰ।
মডেল লিচা বৰাৰ সাক্ষাৎকাৰটো চাবলৈ তলত click কৰক
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
