অস্ত্ৰোপচাৰ চলি আছে, আনফালে শৰীৰত তীব্ৰ বিষ। এনে পৰিস্থিতিত চিকিৎসালয়ৰ বিচনাত গুণগুণাই কণ্ঠশিল্পীগৰাকী। শাৰীৰিক যন্ত্ৰণাতো তেওঁ নিজকে পাহৰি যায় সংগীতৰ যাদুত। অপাৰেচন টেবুলত পৰি তেওঁ মহম্মদ ৰফিৰ বিখ্যাত গীতটো গাইছিল। শেহতীয়াকৈ তেওঁৰ এই ভিডিঅ’টো ছ’চিয়েল মিডিয়াত ভাইৰেল হৈ পৰে। তেওঁৰ অনুৰাগীসকলে ইয়াক দেখি যথেষ্ট আচৰিত হৈছিল।
চিকিৎসালয়ৰ বিচনাত পৰি চিকিৎসাধীন হৈ থকাৰ মাজতো ১৯৪৯ চনৰ ‘দুলাৰী’ ছবিৰ আইকনিক গীত ‘সুহানী ৰাত ধল চুকী’ গাইছিল। কণ্ঠশিল্পীগৰাকীৰ এই কাৰ্য দেখি নেটিজেনসকলো স্তম্ভিত হৈ পৰে। ভিডিঅ’টো শ্বেয়াৰ কৰি চনুৱে লিখিছে, “প্ৰিয় ডাঃ নীলেশ সাতভাই আৰু তেওঁৰ দলৰ প্ৰতি মোৰ এই সৰু সমৰ্পণ। যন্ত্ৰণাতো গান গোৱাৰ আনন্দ বেলেগ!” সঁচাকৈয়ে সংগীতৰ সৈতে এনে আধ্যাত্মিক সংযোগ অতি কম সংখ্যক শিল্পীৰ মাজতহে দেখা যায়।
ভিডিঅ’টো ভাইৰেল হোৱাৰ লগে লগে সামাজিক মাধ্যমত হুলস্থুলৰ সৃষ্টি হয়। ইফালে হস্পিতালৰ বিচনাত মৰমৰ শিল্পীজনক দেখি তেওঁৰ অগণন অনুৰাগী চিন্তিত হৈ পৰিছে। কমেণ্ট বক্সত তেওঁৰ আশু আৰোগ্য কামনা কৰা বাৰ্তা ভৰি পৰিছে।
গায়কজনে নিজেই কৈছে যে তেওঁ ‘পিঞ্চড নাৰ্ভ’ বা স্নায়ুৰ ওপৰত চাপত ভুগিছে। যোৱা এসপ্তাহত এই সমস্যাৰ উৎস আৰু গভীৰতা বুজিবলৈ তেওঁ এম আৰ আই আৰু চিটি স্কেনকে ধৰি একাধিক শাৰীৰিক পৰীক্ষা কৰিবলগীয়া হৈছে। চলি থকা ফিজিঅ’থেৰাপিও অতি কষ্টদায়ক। বৰ্তমান বিষৰ পৰা উপশম পাবলৈ তেওঁ সম্পূৰ্ণৰূপে বিষনাশক ঔষধৰ ওপৰত নিৰ্ভৰ কৰিবলগীয়া হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
