আমলখিৰ বৈজ্ঞানিক নাম Phyllanthus emblica, দক্ষিণ-পূব এছিয়া আৰু পশ্চিম এছিয়াৰ কিছু অংশত ইয়াৰ খেতি কৰা হয়। আমলখিক পুষ্টিকৰ পদাৰ্থৰ শক্তিশালী স্থান বুলি গণ্য কৰা হয়, ইয়াৰ ৰস খোৱাৰ পৰিৱৰ্তে ইয়াক সিজাই দৈনিক খালে অধিক সুফল পোৱা যাব। সিজোৱা আমলখি আৰু কেঁচা আমলখি দুয়োটা উপকাৰী, কিন্তু বেছি উপকাৰ সিজোৱাৰ পৰা হয়।
চুলিৰ বাবে উপকাৰী
খাদ্যত সিজোৱা আমলা অন্তৰ্ভুক্ত কৰিলে ছালৰ লগতে চুলিৰ স্বাস্থ্যও উন্নত হয়। ভিটামিন চি ইয়াত প্ৰচুৰ পৰিমাণে পোৱা যায়, যাৰ ফলত চুলিৰ স্বাস্থ্য বজাই ৰাখে। দৈনিক সিজোৱা আমলা খালে চুলি সৰা কমি যায় আৰু চুলিও চিকচিকিয়া হ’ব।
ভিটামিন চিৰ অভাৱ দূৰ কৰে
আমলখিক ভিটামিন চিৰ এক উৎকৃষ্ট উৎস বুলি গণ্য কৰা হয়, গতিকে যদি আপোনাৰ শৰীৰত ভিটামিন চিৰ অভাৱ হয় তেন্তে নিশ্চিতভাৱে আমলখিক দৈনিক খাদ্য তালিকাত অন্তৰ্ভুক্ত কৰক।
ইমিউনিটি বৃদ্ধি কৰা
কেঁচা আমলখি খোৱাৰ দৰেই সিজোৱা আমলখি খালেও বহু উপকাৰ পোৱা যায়। আমলখিত ভিটামিন চি আৰু এন্টি অক্সিডেন্ট থাকে যিয়ে ৰোগ প্ৰতিৰোধ ক্ষমতা বৃদ্ধিত সহায় কৰে। দৈনন্দিন খাদ্যত সিজোৱা আমলখি অন্তৰ্ভুক্ত কৰিলে ৰোগ প্ৰতিৰোধ ক্ষমতা বৃদ্ধি পায় আৰু লগতে বহু ঋতুভিত্তিক ৰোগৰ পৰাও ৰক্ষা পৰে।
হজম শক্তি উন্নত কৰা
আমলাত প্ৰচুৰ পৰিমাণে আঁহ থাকে, যাৰ ফলত পাচনতন্ত্ৰৰ সমস্যাৰ পৰা সকাহ পোৱাৰ লগতে আন্ত্ৰিক স্বাস্থ্যও উন্নত হয়। সিজোৱা আমলা সেৱন কৰিলে সহজে হজম হয়।
ছালখন জিলিকি উঠে
সিজোৱা আমলা খালে আপোনাৰ স্বাস্থ্যৰ উপকাৰ হোৱাই নহয় ই আপোনাৰ ছালখনো জিলিকি উঠে। আচলতে আমলাত থকা এন্টিঅক্সিডেন্টে ছালখন সুস্থ আৰু উজ্জ্বল কৰি ৰখাত সহায় কৰে। সিজোৱা আমলা খালে কলাজেন উৎপাদন বৃদ্ধি পায় যিয়ে ছালখন জিলিকি থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
