সমগ্ৰ দেশৰ লগতে অসমৰ বিভিন্ন প্ৰান্ততো আজি ভক্তি-উৎসাহেৰে পালন কৰা হৈছে গণেশ চতুৰ্থী। হিন্দু ধৰ্মীয় পৰম্পৰাত এই দিনটো ভগৱান গণেশৰ জন্মদিন হিচাপে পালন কৰা হয়। জ্ঞান, বুদ্ধি, সমৃদ্ধি আৰু শুভ কামৰ দেৱতা হিচাপে ভগৱান গণেশক পূজা কৰা হয়।
বিশ্বাস অনুসৰি, কোনো শুভ কাম আৰম্ভ কৰাৰ পূৰ্বে গণেশক স্মৰণ কৰিলে কামত অহা বাধা-বিঘিনি দূৰ হয়। সেইবাবেই তেওঁক ‘বিঘ্নহৰ্তা’ অৰ্থাৎ বাধা দূৰ কৰোঁতা বুলি কোৱা হয়।
গণেশ চতুৰ্থীৰ দিনা কি কৰিব?
আজিৰ দিনটোত পুৱা সোনকালে উঠি পৰিষ্কাৰ-পৰিচ্ছন্ন হৈ গণেশৰ পূজা কৰিব পাৰি। গণেশৰ মূৰ্তি বা ছবিৰ সন্মুখত চাকি, ধূপ, ফুল আৰু ফল-মূল আগবঢ়োৱাৰ পৰম্পৰা আছে।
বিশেষকৈ দূৰ্বা ঘাঁহ, লাড়ু বা মোদক গণেশৰ প্ৰিয় বুলি ধৰ্মীয় বিশ্বাসত উল্লেখ কৰা হয়। ভক্তসকলে গণেশক মোদক অৰ্পণ কৰি নিজৰ পৰিয়ালৰ সুখ-শান্তি আৰু সমৃদ্ধিৰ বাবে প্ৰাৰ্থনা কৰে।
গণেশ মন্ত্ৰ জপৰ বিশেষ গুৰুত্ব
গণেশ চতুৰ্থীৰ দিনা ‘ওঁ গণ গণপতয়ে নমঃ’ মন্ত্ৰ জপ কৰাটো শুভ বুলি বিশ্বাস কৰা হয়। ভক্তসকলে ভগৱান গণেশৰ নাম স্মৰণ কৰি নিজৰ কাম-কাজত সফলতা আৰু বাধা-বিঘিনি দূৰ হোৱাৰ বাবে প্ৰাৰ্থনা কৰে।
গণেশ চতুৰ্থীত বেছিভাগ মানুহেই গণেশৰ মূৰ্তি আনি নিজৰ ঘৰত স্থাপন কৰে। কিন্তু গণেশৰ মূৰ্তিৰ শুৰডাল কোন দিশত থাকিব লাগে জানেনে? কিছুমান মানুহে ঘৰত বাওঁফালে বেঁকাকৈ শুৰ থকা মূৰ্তি ৰাখে, আনহাতে কিছুমান মূৰ্তিত গণেশৰ ডাল সোঁফালে অৰ্থাৎ দক্ষিণ দিশলৈ বেঁকা হৈ থকা ৰাখে। এনে পৰিস্থিতিত কোন দিশত থকাটো শুভ জানক…
বাওঁফালে শুৰ থকা গণেশৰ মূৰ্তিটো ঘৰত স্থাপনৰ বাবে আটাইতকৈ শুভ বুলি গণ্য কৰা হয়, কিয়নো ই শান্তি, সুখ আৰু সমৃদ্ধি প্ৰদান কৰে। আনহাতে, সোঁফালে বেঁকা ডাল থকা গণেশৰ মূৰ্তিটো বিশেষভাৱে ধ্যান-ধাৰণাৰ বাবে।
সোঁফালে শুৰ থকা মূৰ্তিবোৰক অধিক জাগ্ৰত আৰু সিদ্ধ বুলি গণ্য কৰা হয়, কাৰণ সেইবোৰ পূজা কৰাত বিশেষ ৰীতি-নীতি আৰু সঠিক পূজাৰ প্ৰয়োজন হয়। ইয়াৰ ফলত বেয়া পৰিণতি হ’ব পাৰে। গতিকে ঘৰত সোঁফালে শুৰ থকা গণেশৰ মূৰ্তি ৰখাৰ পৰা বিৰত থাকিব লাগে।
বাওঁফালে শুৰ থকা মূৰ্তিটোৱে ভক্তসকলক ভৌতিক পথত থকা বাধাসমূহ অতিক্ৰম কৰাত সহায় কৰে। এই মূৰ্তিটোৱে সমৃদ্ধি কঢ়িয়াই আনে যিয়ে জীৱনত সুখ আৰু শান্তি আনে। ইয়াৰ বাহিৰেও বাওঁফালে শুৰ থকা মূৰ্তিটোৱে ইচ্ছা পূৰণ কৰে।
সোঁফালে শুৰ থকা মূৰ্তিটোক “দক্ষ” বা “জাগ্ৰত” বুলি গণ্য কৰা হয়। ইয়াক পূজা কৰিবলৈ বহুত ৰীতি-নীতি আৰু সম্পূৰ্ণ জ্ঞানৰ প্ৰয়োজন হয়, নহ’লে ইয়াৰ নেতিবাচক পৰিণতি হ’ব পাৰে। এনে মূৰ্তি সাধাৰণতে পণ্ডিতে পূজা কৰে।
(অস্বীকাৰঃ এই তথ্য মাত্ৰ সাধাৰণ জ্ঞান আৰু জ্যোতিষ তথ্যৰ ওপৰত ভিত্তি কৰি দিয়া হৈছে। ইয়াৰ সৈতে Asom Live 24 ৰ কোনো সম্পৰ্ক নাই।)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
