গণেশ চতুৰ্থীৰ দিনাই অসমবাসীয়ে পালে ভাল খবৰ। অৱশেষত বেলতলাৰ বশিষ্ঠপুৰ কাণ্ডৰ মূল অভিযুক্ত ৰামানুজ গোস্বামীৰ মৃত্যু। আজি আৰক্ষীৰ জিম্মাৰ পৰা পলায়নৰ চেষ্টা চলোৱাৰ সময়তে এই ঘটনা সংঘটিত হোৱা বুলি তথ্য পোৱা গৈছে।
আৰক্ষীৰ তথ্য অনুসৰি, সোমবাৰে পুৱতি নিশা প্ৰায় ৩ বজাত ৰামানুজ গোস্বামীক স্বাস্থ্য পৰীক্ষা তথা তেজৰ নমুনা সংগ্ৰহৰ বাবে গুৱাহাটী চিকিৎসা মহাবিদ্যালয় হাস্পতাললৈ (GMCH) লৈ যোৱা হৈছিল। সেই সময়তে কাহিলিপাৰা হৈ GMCH অভিমুখে যোৱাৰ পথত নৰকাসুৰ পাহাৰৰ ওচৰত আৰক্ষীৰ জিম্মাৰ পৰা পলায়নৰ চেষ্টা চলায় ৰামানুজ গোস্বামীয়ে।
পত্নীক শি*ৰশ্ছেদ কৰি অনুতপ্ত নোহোৱা ৰামানুজে আৰক্ষীক ঠেলি পলায়নৰ চেষ্টা চলাই পাহাৰৰ পৰা জাঁপ দিয়ে। তেওঁ জাঁপ দিয়াৰ ফলত গুৰুতৰভাৱে আঘাতপ্ৰাপ্ত হয় আৰু পৰৱৰ্তী সময়ত তেওঁৰ মৃত্যু ঘটে। তেওঁৰ মৃতদেহ GMCHৰ মৰ্গলৈ লৈ যোৱা হয়।
(বৰ্তমান পোৱা আপডেটৰ ভিতৰত এই তথ্য যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
