নগাঁও লোকসভা উপ নিৰ্বাচনৰ পূৰ্বে সংঘটিত হৈছে এক শোকাৱহ ঘটনা। কৰ্তব্যৰত অৱস্থাতে এগৰাকী আৰক্ষী জোৱানৰ আকস্মিক মৃত্যুৱে অঞ্চলটোত শোকৰ ছাঁ পেলাইছে। চামগুৰিৰ কাঠপাৰা মডেল কলেজত নিৰ্বাচনী কৰ্তব্যত নিয়োজিত হৈ থকা অৱস্থাতে মৃত্যু ঘটে ২৯ বছৰীয়া আৰক্ষী জোৱান দীপাংকৰ পেগুৰ। জানিব পৰা মতে, লখিমপুৰ জিলাৰ লালুকৰ বাসিন্দা দীপাংকৰ পেগু জামুগুৰিস্থিত দ্বাদশ অসম আৰক্ষী বেটেলিয়নৰ পৰা নিৰ্বাচনী কৰ্তব্যৰ বাবে কাঠপাৰা মডেল কলেজলৈ আহিছিল। নিৰ্বাচনৰ পূৰ্বে নিৰাপত্তাৰ দায়িত্বত নিয়োজিত হৈ কৰ্তব্য পালন কৰি থকাৰ সময়তে জোৱানজনৰ মৃত্যু ঘটে।
এই ঘটনাৰ খবৰ বিয়পি পৰাৰ লগে লগে সহকৰ্মীসকলৰ মাজতো শোকৰ সৃষ্টি হয়। এগৰাকী যুৱ আৰক্ষী জোৱানে কৰ্তব্যৰত অৱস্থাতে প্ৰাণ হেৰুওৱাৰ ঘটনাই সকলোকে মৰ্মাহত কৰিছে। ঘটনাৰ খবৰ লাভ কৰাৰ পিছতে আৰক্ষী ঘটনাস্থলীত উপস্থিত হয়। আৰক্ষীয়ে প্ৰয়োজনীয় আইনী প্ৰক্ৰিয়া সম্পন্ন কৰি মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে। মৰণোত্তৰ পৰীক্ষাৰ প্ৰতিবেদন লাভ কৰাৰ পিছত জোৱানজনৰ মৃ*ত্যুৰ প্ৰকৃত কাৰণ অধিক স্পষ্ট হ’ব বুলি আশা কৰা হৈছে।
ইপিনে, দীপাংকৰ পেগুৰ আকস্মিক মৃ*ত্যুৰ খবৰ লাভ কৰাৰ পিছতে তেওঁৰ পৰিয়াল তথা আত্মীয়-স্বজনৰ মাজত গভীৰ শোকৰ সৃষ্টি হৈছে। নিৰ্বাচনৰ দৰে গুৰুত্বপূৰ্ণ দায়িত্ব পালন কৰিবলৈ আহি এগৰাকী ২৯ বছৰীয়া যুৱ আৰক্ষী জোৱানে প্ৰাণ হেৰুওৱাৰ ঘটনাই সমগ্ৰ কেন্দ্ৰটোতো শোকৰ পৰিৱেশ সৃষ্টি কৰিছে।
কৰ্তব্যৰ সময়ত সংঘটিত এই কৰুণ ঘটনাই পুনৰবাৰ আৰক্ষী আৰু নিৰাপত্তাৰক্ষীসকলে নিৰ্বাচনী দায়িত্ব পালন কৰাৰ সময়ত সন্মুখীন হোৱা প্ৰত্যাহ্বানৰ কথাও পোহৰলৈ আনিছে। দীপাংকৰ পেগুৰ মৃ*ত্যুত সহকৰ্মী আৰু স্থানীয় লোকসকলে গভীৰ শোক প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
