নিমিষা ঠাকুৰীয়া হ*ত্যাকাণ্ডৰ তদন্তৰ মাজতে অভিযুক্ত আছিক আলীৰ এন*কাউণ্টাৰক লৈ সৃষ্টি হৈছে নতুন বিতৰ্ক। আছিক আলীৰ এন*কাউণ্টাৰৰ পাছত তেওঁৰ পেহীয়েকে আৰক্ষীৰ ভূমিকাক লৈ কেইবাটাও গুৰুত্বপূৰ্ণ প্ৰশ্ন উত্থাপন কৰিছে।
আছিক আলীৰ পেহীয়েকৰ দাবী অনুসৰি, আজি আদালতত আছিক আলীক হাজিৰ কৰোৱাৰ কথা আছিল। তেনে পৰিস্থিতিত আছিকক কিয় আৰক্ষীয়ে গু*লীয়াবলগীয়া হ’ল, সেই লৈ প্ৰশ্ন উত্থাপন কৰিছে পৰিয়ালে। তেওঁ জানিবলৈ বিচাৰিছে যে আদালতত হাজিৰ কৰোৱাৰ পূৰ্বে আছিক আলীক এন*কাউণ্টাৰ কৰাৰ প্ৰয়োজন কিয় আহিল।
আছিক আলীৰ পেহীয়েকে লগতে আৰক্ষীৰ তদন্তক লৈ আন এটা গুৰুতৰ প্ৰশ্ন উত্থাপন কৰে। নিমিষা হ*ত্যাকাণ্ডৰ পূৰ্বে ৰুদ্ৰাছ হোমষ্টেলৈ যোৱা ৰূপম শইকীয়াক কেৱল তেওঁ হিন্দু হোৱা বাবেই আৰক্ষীয়ে এৰি দিলে নেকি? বুলিও প্ৰশ্ন কৰে আছিক আলীৰ আত্মীয়ই। উল্লেখ্য যে, আৰক্ষীৰ তদন্তত প্ৰকাশ পোৱা তথ্য অনুসৰি, নিমিষা হ*ত্যাকাণ্ড সংঘটিত হোৱা নিশা প্ৰায় ৯.৩০ বজাত ৰূপম শইকীয়া ৰুদ্ৰাছ হোমষ্টেৰ পৰা ওলাই গৈছিল। ইয়াৰ বিপৰীতে, আৰক্ষীৰ তথ্য অনুসৰি নিমিষা ঠাকুৰীয়াৰ হ*ত্যাকাণ্ড সংঘটিত হৈছিল মাজনিশাৰ সময়ত।
ইফালে, আছিক আলীৰ এন*কাউণ্টাৰৰ বিষয়ে আৰক্ষীয়ে তেওঁলোকক কোনো ধৰণৰ খবৰ দিয়া নাছিল বুলি অভিযোগ কৰিছে পৰিয়ালে। পৰিয়ালৰ দাবী অনুসৰি, আৰক্ষীৰ পৰা পোনপটীয়াকৈ কোনো তথ্য লাভ নকৰি সংবাদ মাধ্যমত সম্প্ৰচাৰিত বাতৰিৰ জৰিয়তেহে আছিক আলীৰ এ*নকাউণ্টাৰৰ বিষয়ে জানিব পাৰে তেওঁলোক।
আছিক আলীৰ পৰিয়ালে এই ঘটনাক লৈ আৰক্ষীৰ পৰা স্পষ্ট উত্তৰ বিচাৰিছে। বিশেষকৈ আদালতত হাজিৰ কৰোৱাৰ পূৰ্বে অভিযুক্ত আছিকক কি পৰিস্থিতিত এন*কাউণ্টাৰ কৰা হ’ল, কিয় পৰিয়ালক অৱগত কৰা নহ’ল আৰু হ*ত্যাকাণ্ডৰ আন অভিযুক্তসকলৰ ক্ষেত্ৰত আৰক্ষীৰ তদন্তৰ ধৰণ কিয় পৃথক—এই সকলো বিষয়ৰ নিৰপেক্ষ তদন্তৰ দাবী উত্থাপন কৰিছে পৰিয়ালে। উল্লেখ্য যে, আৰক্ষীৰ গু*লীত আহত আছিক আলী সম্প্ৰতি GMCHত চিকিৎসাধীন হৈ আছে।
নিমিষা ঠাকুৰীয়া হ*ত্যাকাণ্ডৰ তদন্ত ইতিমধ্যে ব্যাপক চৰ্চাৰ বিষয় হৈ থকাৰ সময়তে আছিক আলীৰ এ*নকাউণ্টাৰক কেন্দ্ৰ কৰি উত্থাপিত এই অভিযোগে ঘটনাটোক আৰু অধিক ৰহস্যঘন কৰি তুলিছে। এতিয়া আৰক্ষীৰ পৰা এই অভিযোগসমূহৰ সন্দৰ্ভত কি স্পষ্টীকৰণ আহে, সেয়া লক্ষণীয় হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
