হোটেল বিলাস ইনত সংঘটিত নৰসংহাৰৰ গোচৰৰ তদন্ত চলি থকাৰ মাজতে গুৱাহাটী মহানগৰ আৰক্ষীত বিশেষ ৰদবদল। তদন্তৰ বাবে গঠন কৰা SITৰ সদস্য হিচাপে দায়িত্ব পালন কৰিছিল সম্ভাৱী মিশ্ৰই। কিন্তু শেহতীয়াকৈ তেওঁক মধ্য গুৱাহাটী আৰক্ষী জিলাৰ DCPৰ দায়িত্বৰ পৰা আঁতৰাই শিলচৰলৈ বদলি কৰা হৈছে। এতিয়া কাছাৰৰ 6APBnৰ কামাণ্ডাৰ হিচাপে বদলি সম্ভাৱী মিশ্ৰক।
গৃহ বিভাগৰ এই সিদ্ধান্তৰ পিছতে মধ্য গুৱাহাটী আৰক্ষী জিলাৰ নতুন DCP হিচাপে দায়িত্ব প্ৰদান কৰিছে মৃণাল ডেকাক। ইয়াৰ পূৰ্বে মৃণাল ডেকাই পূব গুৱাহাটী আৰক্ষী জিলাৰ DCP হিচাপে কাৰ্যনিৰ্বাহ কৰিছিল। মহানগৰ আৰক্ষীৰ বিভিন্ন দায়িত্বত কাম কৰাৰ অভিজ্ঞতা থকা মৃণাল ডেকাই এতিয়া মধ্য গুৱাহাটী আৰক্ষী জিলাৰ দায়িত্ব চম্ভালিব বুলি সকলো আশাবাদী।
হোটেল বিলাস ইন কাণ্ডৰ তদন্তৰ বাবে গঠন কৰা SITৰ সৈতে জড়িত আন এগৰাকী আৰক্ষী বিষয়াকো বদলি কৰিছে গৃহ বিভাগে। চেণ্ট্ৰেল আৰক্ষী জিলাৰ অতিৰিক্ত উপ-আৰক্ষী আয়ুক্ত (ADCP) ভিকু আচুমীক তাৎক্ষণিকভাৱে বদলি কৰা হৈছে।
ভিকু আচুমীৰ পৰিৱৰ্তে চেণ্ট্ৰেল আৰক্ষী জিলাৰ ADCP হিচাপে দায়িত্ব গ্ৰহণ কৰিব পৃথিৰাজ ৰাজখোৱাই। লাক্ষীপুৰৰ CDSP হিচাবে আছিল পৃথিৰাজ ৰাজখোৱা। পূৰ্বেও চেণ্ট্ৰেল আৰক্ষী জিলাত ACP হিচাবে কাম কৰিছিল পৃথিৰাজ ৰাজখোৱাই।
ইফালে পল্টনবজাৰ আৰক্ষীৰ ভাৰপ্ৰাপ্ত বিষয়া কুলেশজ্যোতি ভূঞাকো বদলি কৰা হৈছে। গুৱাহাটীৰ সীমান্ত শাখালৈ বদলি OC হিচাপে কুলেশজ্যোতি ভূঞাক। বিলাস ইন হোটেলৰ হত্যাকাণ্ড গোচৰৰ SITৰ সদস্য আছিল ভূঞা। এইদৰে মহানগৰ আৰক্ষীৰ দুটাকৈ গুৰুত্বপূৰ্ণ পদত হোৱা সালসলনিয়ে আৰক্ষী বিভাগৰ ভিতৰচৰাত নতুন সমীকৰণৰ সৃষ্টি কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
