শোকাৱহ, শ্বপিং মলত অগ্নিকাণ্ড সংঘটিত হৈ ১৬ জনে হেৰুৱালে প্ৰাণ, ৭৫ আহত
চীনৰ দক্ষিণ-পশ্চিম অঞ্চলৰ জিগং চহৰৰ এটা শ্বপিং মলত সংঘটিত হোৱা অগ্নিকাণ্ডত ১৬ জন লোকৰ মৃত্যু হয়। এই তথ্য সদৰি কৰিছে দেশখনৰ ৰাজ্যিক সংবাদ মাধ্যমে। বুধবাৰে সন্ধিয়া ৬ মান বজাৰ পিছত ১৪ মহলীয়া বাণিজ্যিক ভৱনটোৰ অধিক ক্ষতিৰ খবৰ পোৱাৰ পিছত অগ্নিনিৰ্বাপক বাহিনী আৰু উদ্ধাৰকাৰী দল লগে লগে ঘটনাস্থলীত উপস্থিত হয়।
চৰকাৰী সংবাদ সংস্থা ছিনহুয়াৰ তথ্য অনুসৰি দলটোৱে ৭৫ জন লোকক উদ্ধাৰ কৰে। যি কম বেছি পৰিমাণে আহত হয়। তথ্য অনুসৰি এই খবৰ লিখাৰ সময়লৈকে উদ্ধাৰৰ কাম চলি আছিল। অগ্নিকাণ্ডৰ কাৰণ আৰু অগ্নিকাণ্ডৰ সময়ত মলটোত কিমানজন লোক আছিল সেই বিষয়ে সঠিকলৈ জানিব পৰা হোৱা নাই। এই ভৱনটোত ডিপাৰ্টমেণ্ট ষ্ট’ৰ, কাৰ্যালয়, ৰেষ্টুৰেণ্ট আৰু চিনেমা হল আছে।
ছ’চিয়েল মিডিয়াত ভাইৰেল হোৱা এটা ভিডিঅ’ত অট্টালিকাৰ তলৰ অংশৰ খিৰিকীৰে ক’লা ধোঁৱা ওলোৱা দেখা গৈছে। ১৪ মহলীয়া মল ভৱনটোৰ প্ৰায় সকলো মহলাতে অগ্নিকাণ্ড সংঘটিত হয়। ছ’চিয়েল মিডিয়াত ভিডিঅ’টোত দেখা গৈছে বিশাল জুইৰ শিখা। স্থানীয় সংবাদ মাধ্যমে জনোৱা মতে, অগ্নিনিৰ্বাপক বাহিনীয়েও কেইবাখনো ড্ৰোন ব্যৱহাৰ কৰি জুই নিৰ্বাপন কৰে।
ৰাষ্ট্ৰীয় অগ্নিনিৰ্বাপক আৰু উদ্ধাৰ প্ৰশাসনৰ মুখপাত্ৰ লি ৱানফেঙে জনোৱা মতে, চলিত বৰ্ষৰ ২০ মে’লৈকে ৯৪৭টা অগ্নিকাণ্ড সংঘটিত হৈছে। লীয়ে কয় যে হোটেল আৰু ৰেষ্টুৰেণ্টৰ দৰে ৰাজহুৱা স্থানত জুইৰ সংখ্যা ৪০% বৃদ্ধি পাইছে আৰু ইয়াৰ আটাইতকৈ সাধাৰণ কাৰণ হৈছে বিদ্যুৎ বা গেছ লাইনৰ বিজুতি আৰু অসাৱধানতা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
