আপোনাৰো বাহিৰত শৌচাগাৰ আছে নেকি? বাৰিষা শৌচাগাৰত যোৱাৰ পূৰ্বে সাৱধান হওক। কিয়নো আপোনাৰ অসাৱধানতাই বিপদ মাতিব পাৰে আপোনাৰ। বিহাৰৰ এটা শৌচাগাৰৰ ভিতৰত সাপ ওলাই অহাৰ ঘটনাই সৃষ্টি কৰিছে আতংকৰ। সাধাৰণতে ঘৰৰ চৌহদত সাপ দেখা পোৱা যায় যদিও শৌচাগাৰৰ ভিতৰত সাপ প্ৰৱেশ কৰাত স্থানীয় লোকসকলৰ মাজত চাঞ্চল্যৰ সৃষ্টি হয়। ঘটনাটোৰ দৃশ্য সামাজিক মাধ্যমতো চৰ্চালৈ আহিছে।
বাৰিষাৰ সময়ত সাপকে ধৰি বিভিন্ন সৰীসৃপে নিৰাপদ আৰু আৰ্দ্ৰ ঠাই বিচাৰি মানুহৰ ঘৰৰ ওচৰলৈ আহে। নলা-নৰ্দমা, পাইপ, ড্ৰেইন বা শৌচাগাৰৰ পানী ওলাই যোৱা পথৰ জৰিয়তে সাপ ঘৰৰ ভিতৰত প্ৰৱেশ কৰাৰ সম্ভাৱনাও থাকে। সেয়ে বিশেষকৈ বৰষুণৰ সময়ত শৌচাগাৰ ব্যৱহাৰ কৰাৰ পূৰ্বে এবাৰ চৌদিশ ভালদৰে পৰীক্ষা কৰি লোৱাটো অত্যন্ত জৰুৰী।
সাপ দেখা পোৱাৰ পিছত আতংকৰ সৃষ্টি হয়। সামাজিক মাধ্যমত ভাইৰেল হোৱা ভিডিঅ’টোত এজন যুৱকে পানীৰ পাইপ ব্যৱহাৰ কৰি সাপডালক ফ্লাছ মাৰি উলিয়াই আনিবলৈ চেষ্টা কৰিছে। কিন্তু বহুত চেষ্টাৰ অন্তত সাপডাল ধৰিবলৈ সক্ষম হয় যুৱকজনে। তথ্য়নুসৰি কাকো কোনোধৰণৰ অপকাৰ কৰা নাই সাপডালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
