অসম লাইভ২৪ঃ মেট্ৰিকৰ প্ৰশ্নকাকত ফাদিলৰ পাছতেই ৰাজ্যজুৰি অব্যাহত আছে প্ৰতিবাদ৷ আছুকে ধৰি বহুকেইটা দল-সংগঠনে অব্যাহত ৰাখিছে প্ৰতিবাদী কাৰ্যসূচী৷ একাংশই ছেবাক ধিক্কাৰ দিয়াৰ লগতে স্বাস্থ্যমন্ত্ৰীক পদত্যাগ কৰিবলৈকো দাবী উত্থাপন কৰিছে৷ এই সকলোবোৰৰ মাজতেই ৰাজ্যজুৰি চৰ্চা লাভ কৰিছে লখিমপুৰৰ নাৰায়নপুৰৰ এটা ভিডিঅ’ই৷ প্ৰতিবাদকাৰী ছাত্ৰ-ছাত্ৰীক অংকৰ ফৰ্মূলা সুধি লাজ দিছে এজন আৰক্ষী জোৱানে৷
প্ৰতিবাদস্থলীত উপস্থিত হৈ ছাত্ৰ–ছাত্ৰীক আৰক্ষীয়ে সুধিলে (a+b)2=কিমান? ছাত্ৰ-ছাত্ৰীসকলে উত্তৰ দিব নোৱাৰাত কয়, ‘‘পঢ়াত জিৰ’, প্ৰটেষ্ট কৰিব আহিছা। ভালকৈ পঢ়িবা, পৰীক্ষা ৰিছিডিউল হ’ব নহয়। ষ্টুডেণ্টে প্ৰটেষ্ট কৰে নেকি? প্ৰটেষ্ট কৰিবলৈ পাব্লিক আছে, সংগঠন আছে। লাজ নালাগে প্ৰটেষ্ট কৰিবলৈ। পঢ়াত ধ্যান দে, সূত্ৰ এটা নাজান উল্টা–পুল্টা বকিবলৈ আহিছ। পঢ়িবি, পঢ়াৰ পিছত জ্ঞান থকা মানুহে ইয়াত প্ৰটেষ্ট নকৰে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
