প্ৰযুক্তিৰ বিকাশ আৰু ইন্টাৰনেটৰ প্ৰসাৰ মানৱ সমাজৰ বাবে এক আশীৰ্বাদ হিচাপে প্ৰমাণিত হৈছে। ইয়াৰ অন্য এক উদাহৰণ দেখিবলৈ পোৱা গ’ল উত্ৰ প্ৰদেশত৷ উত্তৰ প্ৰদেশত বিহ পান কৰি আত্মহত্যাৰ চেষ্টা কৰা এগৰাকী NEET পৰীক্ষাৰ্থীৰ জীৱন ফেচবুকৰ সহায়তে ৰক্ষা পৰিল।
ঘটনাটো উত্তৰ প্ৰদেশৰ ৰাজধানী লক্ষ্ণৌৰ৷ ঘটনাৰ বিৱৰণীৰ মতে NEETৰ এগৰাকী পৰীক্ষাৰ্থীয়ে ফলাফল উলোৱাৰ পাছতে ফেচবুকত আত্মহত্যা কৰাৰ এক পোষ্ট দিয়ে৷ সেই পোষ্ট দিয়াৰ পাছতে পৰীক্ষাৰ্থীগৰাকীয়ে বিহ পান কৰি আত্মহত্যাৰ চেষ্টা কৰে৷
পৰীক্ষাৰ্থীগৰাকীয়ে ফেচবুকত এই পোষ্টটো দিয়াৰ লগে লগে ফেচবুকে লক্ষ্ণৌৰ ডিজিপিৰ মুখ্য কাৰ্যালয়ত থকা চ’ছিয়েল মিডিয়াৰ চেণ্টাৰলৈ এছ অ’ এছ প্ৰেৰণ কৰে৷ তাত লক্ষ্ণৌৰ এগৰাকী NEETৰ পৰীক্ষাৰ্থীয়ে আত্মহত্যাৰ চেষ্টা কৰাৰ বিষয়ে উল্লেখ আছিল৷
লগতে পঢ়ক ৮ হাজাৰ টকীয়া চাকৰি এৰি ইউটিউবৰ পৰা মাহে ৫ লাখ টকা উপাৰ্জন বজালীৰ এক দম্পতীৰ
এই তথ্য লাভ কৰাৰ পাছতে আৰক্ষীয়ে সেই স্থানত উপস্থিত হৈ তৎপৰতাৰে NEETৰ পৰীক্ষাৰ্থীগৰাকীৰ প্ৰাণ ৰক্ষা কৰে৷
উল্লেখ্য যে উত্তৰ প্ৰদেশ আৰক্ষী আৰু ছ’চিয়েল নেটৱৰ্কিং চাইটটোৰ মাজত আত্মহত্যাৰ উদ্দেশ্যে ছ’চিয়েল মিডিয়াত যিকোনো ব্যক্তিয়ে পোষ্ট কৰিলে সংশ্লিষ্ট ছাইটটোৱে আৰক্ষী কণ্ট্ৰ’ল ৰুমলৈ এলাৰ্ট জাৰি কৰি তৎক্ষণাত সহায় কৰাৰ চুক্তিসম্পন্ন কৰা আছে। যেতিয়াই কোনোবাই আত্মহত্যাৰ বিষয়ে পোষ্ট কৰে তেতিয়াই ফেচবুকে ইউ পি আৰক্ষীলৈ সতৰ্কতাবাণী প্ৰেৰণ কৰে।
উক্ত চুক্তিৰ অধীনতে ফেচবুকে উত্তৰ প্ৰদেশ আৰক্ষীৰ লক্ষ্ণৌস্থিত ডিজিপিৰ মুখ্য কাৰ্যালয়ত থকা চ’ছিয়েল মিডিয়াৰ চেণ্টাৰলৈ এই তথ্য প্ৰেৰণ কৰিছিল৷
লগতে পঢ়ক এফালে দানৱতা আনফালে মানৱতা! গাঁতত পুতি থোৱা অৱস্থাত নৱজাতক কন্যাক পথাৰত উদ্ধাৰ
শীর্ষ আৰক্ষী প্ৰশান্ত কুমাৰে জনোৱা মতে, ফেচবুকে এই সতৰ্কতা বাণী লক্ষ্ণৌ আৰক্ষী আয়ুক্তলৈ প্ৰেৰণ কৰাৰ পাছতে ততাতৈয়াকৈ ব্যৱস্থা গ্ৰহণ কৰি পৰীক্ষাৰ্থীগৰাকীৰ জীৱন ৰক্ষা কৰা হয়।
ঘটনাৰ তথ্য পোৱাৰ লগে লগে অতিৰিক্ত চি পি (পশ্চিম) চিৰঞ্জীৱ নাথ সিনহাই লগে লগে গৈ ২৯ বছৰীয়া NEETৰ পৰীক্ষাৰ্থীগৰাকীৰ ঘৰত উপস্থিত হয়। জীৱন ৰক্ষা পৰাৰ পাছতে আৰক্ষীৰ আগত পৰীক্ষাৰ্থীগৰাকীয়ে তেওঁ নিজৰ ভুল স্বীকাৰ কৰি ভৱিষ্যতে কেতিয়াও এনে কাণ্ড সংঘটিত নকৰে বুলি প্ৰকাশ কৰিছে।
পৰীক্ষাৰ্থীগৰাকীৰ জীৱন ৰক্ষা পৰাৰ পাছতে আৰক্ষী বিষয়া প্ৰশান্ত কুমাৰে কয় যে আমি সকলো আৰক্ষীক নিৰ্দেশ দিছো যে আত্মহত্যাৰ সৈতে জড়িত ছ’চিয়েল মিডিয়াত প্ৰকাশ পোৱা পোষ্টবোৰ তৎকালীনভাৱে সঁহাৰি জনাওক আৰু এনে বাৰ্তা আৰক্ষীলৈ প্ৰেৰণ কৰি তেনে লোকৰ জীৱন ৰক্ষা কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
