য়ু য়ু হানি সিং নামেৰে বিখ্যাত হোৱা পঞ্জাবী গায়ক হানি সিঙ আৰু পত্নী শালিনী তালৱাৰৰ আনুষ্ঠানিকভাৱে বিবাহ বিচ্ছেদ হৈছে। ইতিমধ্যে পাৰিবাৰিক আদালতে দুয়োৰে বিবাহ বিচ্ছেদৰ গোচৰ নিষ্পত্তি কৰিছে৷
বিবাহ বিচ্ছেদৰ বাবে কণ্ঠশিল্পী হানি সিঙে সদ্য প্ৰাক্তন পত্নী শালিনী তালৱাৰক ১ কোটি টকা খৰপোচ দিবলৈ বাধ্য হৈছে৷ ৮ ছেপ্টেম্বৰ বৃহস্পতিবাৰে দিল্লীৰ সাকেট আদালতত হানি সিঙে শালিনী তালৱাৰৰ জীৱিকা আৰু ভৰণ-পোষণৰ বাবদ ধন দিয়াৰো এক চুক্তি পত্ৰত স্বাক্ষৰ কৰে।
উল্লেখ্য যে ২০২১ চনত শিল্পী হানি সিঙৰ বিৰুদ্ধে ঘৰুৱা হিংসাৰ অভিযোগ উত্থাপন কৰিছিল শালিনীয়ে।
লগতে পঢ়ক নিজকে শেষ কৰাৰ চেষ্টা যুৱকৰ! ফেচবুক এলাৰ্টে ৰক্ষা কৰিলে NEET প্ৰাৰ্থীৰ জীৱন
শুনানিৰ সময়তে ন্যায়াধীশ বিনোদ কুমাৰৰ উপস্থিতিত হানি সিঙে শালিনী তলৱাৰক এটা বন্ধ খামত ভৰণ পোষণৰ বাবদ হিচাপে ১ কোটি টকাৰ এখন চেক প্ৰদান কৰে।
হানি সিং আৰু শালিনী তালৱাৰৰ মাজৰ অভিযোগ প্ৰতি অভিযোগ বিচাৰ কৰাৰ পাছতে বিষয়টো ন্যায়ালয়ত নিষ্পত্তি হয় যদিও এতিয়া ৰায় প্ৰদান কৰা হোৱা নাই৷ অহা বৰ্ষৰ ২০ মাৰ্চত গোচৰটোৰ পৰৱৰ্তী শুনানি গ্ৰহণ কৰা হ’ব।
উল্লেখ্য যে হানি সিঙৰ বিৰুদ্ধে পত্নী শালিনী তালৱাৰে যৌন হিংসা, মানসিক নিৰ্যাতন, প্ৰতাৰণা আৰু আৰ্থিক প্ৰৱঞ্চনাৰ অভিযোগ উত্থাপন কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
