ৰাসত ৰাধা হ’বলৈ গৈ বিপদত অমৃতা গগৈ, ফেচবুক লাইভ যোগে সদৰি কৰিলে ভয়ংকৰ পৰিস্থিতি
অভিনেত্ৰী অমৃতা গগৈৰ এটা ফেচবুক লাইভে লগাইছে তোলপাৰ। মহা বিপদৰ পৰা কথমপি ৰক্ষা পৰে অভিনেত্ৰীগৰাকীয়ে। সামাজিক মাধ্যম ফেচবুকত লাইভ আহি নিজৰ লগত সংঘটিত হোৱা এটা ঘটনা সদৰি কৰে জনপ্ৰিয় অভিনেত্ৰীগৰাকীয়ে।
অমৃতাই সদৰি কৰা অনুসৰি ৰাসত ৰাধা হবলৈ গৈছিল অভিনেত্ৰীগৰাকী। তাতেই অমৃতাৰ লগতে তাইৰ এগৰাকী বান্ধীৱৰ সৈতে সংঘটিত হয় এক ঘটনা।
ঘটনা সন্দৰ্ভত জানিব পৰা অনুসৰি নগাঁও জিলাত এক ৰাসত ৰাধাৰ চৰিত্ৰ কৰিবলৈ গৈছিল অমৃতা। লগত সহযোগী হিচাপে গৈছিল এগৰাকী বান্ধৱী। ঘটনা ২২ নৱেম্বৰৰ। সকলো ঠিকে ঠাকে হৈ যায়।
https://www.facebook.com/share/v/19Z6izELcd/
ৰাসত ৰাধা হৈ সকলো সামৰি নিশা ২ বজাত ৰাস কমিটিয়ে নগাঁও বাইপাছ অভিনেত্ৰীগৰাকীক থকাৰ ব্যৱস্থা কৰি দিয়া হোটেলখনলৈ আহি থৈ যায়। কমিটীৰ মানুহে নগাঁও বাইপাছৰ ‘চানযুক্তি’ নামৰ হোটেলখনত থৈ যোৱাৰ পাছত নিশা ৩ বজাত আহাৰ গ্ৰহণ কৰি দুয়ো বান্ধৱী ৩০৪ নম্বৰ কোঠালৈ শোৱাৰ বাবে যায়।
তেতিয়ালৈ সকলো ঠিকে আছিল। কিন্তু পিছদিনা ২১ নৱেম্বৰ পুৱা ৫ মান বজাত হঠাতে কোনো শব্দ শুনি দুয়ো বান্ধৱী সাৰ পাই উঠে। দেখে বাহিৰৰ পৰা কোনোৱে দৰ্জাৰ লক খুলিবলৈ চেষ্টা কৰি আছে। লগে লগে দুয়ো জপিয়াই আহি দৰ্জা ভিতৰৰ পৰা ভালকৈ বন্ধ কৰি ৰাখে।
আৰু অমৃতাই ভিতৰৰ পৰা বাহিৰলৈ চাব পৰা আইহ’ল টোৰে বাহিৰলৈ চোৱাত দেখে মুখত কাপোৰ বন্ধা এজন যুৱকে বাহিৰৰ পৰা দৰ্জাখন খুলিবলৈ চেষ্টা কৰি আছে। লগে হোটেলৰ মালিকলৈ ফোন কৰে যদিও ৩ বাৰ কৈ কৰাৰ পাছলো কোনো সহাৰি লাভ নকৰে হোটেলৰ মালিকে।
যাৰ বাবে ৰাস কমিটিলৈ ফোন কৰি সমগ্ৰ ঘটনা বৰ্ণনা কৰে। আৰু দুয়ো নিজে কোঠাৰ ভিতৰতে চিঞৰিবলৈ ধৰে। যাৰ ফলত লগ লগে আঁতৰি যায় যুৱকজন। কিন্তু কিছুসময় পিছতে দেখে যে সেই একেজনেই যুৱক এইবাৰ মুখত কাপোৰ নমৰাকৈ আহি কোঠাৰ সন্মুখেৰে অহা যোৱা কৰি আছে।
কিছুসময় পিছতে হোটেলখনত ৰাস কমিটীৰ সম্পাদক উপস্থিত হোৱাত সৌভাগ্যক্ৰমে ভয়ংকৰ ঘটনাৰ পৰা ৰক্ষা পৰে অভিনেত্ৰীগৰাকী।
কিন্তু লাইভ ভিডিঅ’ যোগে অভিনেত্ৰীগৰাকীয়ে এই সমস্ত ঘটনাৰ হোটেলৰ মালিকৰ ওপৰত দিয়ে। তিনিবাৰকৈ ফোন কৰাৰ পাছতো কোনো সহাৰি নিদিয়া আৰু সকলো কথা জনোৱাৰ পিছতো গুৰুত্ব নিদিয়াৰ অভিযোগ হোটেলৰ মালিকৰ বিৰুদ্ধে।
ইয়াৰ উপৰিও আজিৰ দিনটো নগাঁও বাইপাছত থকা দামী হোটেলখনত নাছিল কোনো চিচি টিভিৰ ব্যৱস্থা। যাৰ বাবে অপৰাধীৰ বিষয়ে কতো কোনো শুংসূত্ৰ পোৱা নাযায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
